مراجعه فلم frances Ha

كَتبهفي 9 يناير 2020

قصة عن شابة بتتعرقل في الإيمان بنفسها في وسط مجتمع بيتغير بسرعة مخيفة!
frances Ha
a movie by Noah Baumbach
الفيلم من إخراج وكتابة “نوا باومباك”وهو مخرج ذكي جداً وبيستخدم أساليب مبتكرة في التصوير والإخراج
ويكمن ده السبب في إن شغله بيكون مميز وقريب جداً للمشاهد والشخصيات
الدراسة الحميمة إللي بيعملها “نوا” مع الشخصيات إللي بيبنيها جوا الـ script
بتخلي للشكل النهائي للعمل صورة ماتقدرش تغفل عنها، وماتقدرش ماتتأثرش بجمالها
عندنا في الفيلم ده إللي برغم إنه إنتاج 2012 إلا إنه خرج لينا في الأبيض والأسود
الثوب
الصورة الأبيض والأسود ليها مكان في قلوبنا إحنا الجيل إللي اتولد في عصر التصوير الديجيتال والـ CGI
وبرغم إن “نوا” صور الفيلم بكاميرا ديجيتال فيما معناه إن الفيلم كان بالألوان بالفعل إلا أنه أنفق المزيد من
الوقت والجهد عشان يعمله على صورة الشاشة الفضية إللي هو شاف إنها هتنقل القصة بشكل أفضل بكتير
ومع ذلك قصة الفيلم بتحصل في القرن الحالي
عن بنت اسمها “فرانسيز” لصديقة اسمها “صوفي” والعلاقة بين الاتنين دول ماكنتش مجرد صداقة عادية،
لكن الحياة غير منصفة ولا تتوانى إنها تقلب كل شئ رأساً على عقب في حياة فرانسيز، فتسرق منها
صديقتها وكل ما تملك في حياتها من وظيفة أحلامها لموهبتها لحتى المكان إللي هي عايشة فيه
ولما خلاص فرانسيز بتقول it could’ve been worse
بتوصل لقاع من اليأس والتوهان إللي إنتا كمشاهد بتعيشه معاها بكل مصداقية
ولكن في النهاية بتتقبل بعض التغييرات دي وبتتقبل نفسها قبل كل شئ لأنها صحيح شابة في أواخر العشرينات
إلا أن تصرفاتها أقرب لمراهقة teen
التجربة إللي بياخدها المشاهد من الفيلم دي مليانة إنسانية حتى النخاع
وماتقدرش إلا إنك ترتبط بالفيلم وتحس إنك عيشت لحظاته
الـ close up
على الحياة اليومية في نيويورك بتوريك قد إيه فعلاً هي مدينة لا تنام ولا ترحم
التنقلات في الـ time line
بتاع الفيلم بينقل إحساس قوي جداً بإن كأنك بتشوف رواية بدل ما تقراها برغم إن الفيلم مش روائي ومش طويل
في رأيي الفيلم نجح جداً في تقديم إللي كان عايز يقدمه وده نادراً مابقدر أشوفه في فيلم
إن يتعرض قدامك فن مرئي فاهم كويس أوي هو عايز يقدملك إيه وإمتى
الدراسة الكاملة لقلب المشاهد خلتني أحب الفيلم ده جداً وأسكنه قلبي حقاً لأنه بقدر جمال
الأفلام إللي بتخليني ألمس النجوم، بشتاق أحياناً إني أشوف أفلام تخليني ألمس الأرض
وده فيلم من الأرض ومن بين الناس بقصص ملموسة جداً
أنا هدي
9.5/10
شوفت الفيلم؟ إيه رأيك فيه؟
وهل لو لسه ماشوفتوش أو ماتعرفوش، تحب تشوفه؟

اقرأ أيضاً  المراجعة الثانية: Get Out

آراء القراء

اترك رأيك

Your email address will not be published. Required fields are marked *


هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

المقال التالي


Thumbnail
Current track

Title

Artist

Background