Searching (movie review) 2018

كَتبهفي 13 ديسمبر 2018

لو لســه ما شوفتش التريلر تقدر تشوفه من هنا:

الفيلم بيحكي عن أب بتختفي بنته، وهو أصلاً مش متأكد إذا كانت اختفت ولا لأ، ولكنه بيتبع إحساسه وحدسه وبيبدأ عملية بحث غير تقليدية أبداً، بحث رقمي! وبتسير أحداثث الفيلم بشكل سلس ولكن غير متوقع إلى حافة النهاية، وهي حافة فعلاً 😉

الفيلم بطولة ناس لطيفة جداً ولكن أبرزهم الممثل الشرق أسيوي الجميل (جون تشو) في دور ديفيد كيم، إللي زوجته بتتوفى في أول الفيلم، وبيكمل بأسرة صغيرة مكوّنة منه هو وبنته..

الفيلم ده مميز جداً وده يخليه يحتل المركز الأول في البوكس أوفيس بجدارة (وقت نزوله يعني)، لكن إيه إللي مختلف بجد في الفيلم ده يا ترى؟

مش هقدر أضيف جديد على إللي إتقال عن المونتاج والإخراج لأنهم عبقريين بصراحة، فشابوه من هنا للصبح

لكن هضيف شويّة حاجات تانية، أنا شوفت أفلام كتير استهلاكية من نوعيّة الفيلم الرقمي، يعني فيلم بيتصور كلّه وبيدور كله على الـ desktop أيوة صدق أو لا تصدق في أفلام كتير كده، أغلبهم بينحصر في الرعب، وبيتعمدوا أوي موضوع إن الجودة تبقى وحشة لأنه تصوير كاميرا الـ skype أو كاميرا الكومبيوتر في أي برنامج محادثة مرئي وصوتي، لكن الفيلم ده غيــــــــر خالص يعني!

الفيلم عبارة عن قصة بتحصل في نوافذ على شاشة كومبيوتر، القصة، الحكاية، الحبكة، السيناريو، كل المشاعر على نوافذ الكومبيوتر! بحيي جداً كل المشاركين في العمل، لأنهم ركزّوا أوي في إن كل تفصيلة -حرفياً- كل كلمة في صندوق الـ search تكون منتقاه بعناية لخدمة القضيّة جداً.

اقرأ أيضاً  مراجعة فيلم Solo: a star wars story 2018

مش قادرة أعبر عن الـ twist الجميل في النهاية بدون حرق، ولكن من الآخر الرسالة وصلت، عندما تتحول وسائل التواصل الإجتماعي من مواقع افتراضية إلى واقعنا كمجتمع الشباب، ومش بس كده دي كمان بتكسب ثقة الأهل، وبتخليهم يبعدوا واقعياً عن أولادهم فتقل على سبيل المثال الأوقات إللي بيقضوها سوا وتقلب كلها chatting، جون تشو بصراحة أدائه أوسكري أوي، ووصلني إحساسة، واندمجت في شعوره كأب وهو بيكتشف حياة بنته، وكأنه لأول مرّة بيعرفها من سنين، بيكتشف قد إيه قصّر في حقها، إحساسه بالذنب بيدفعه أكتر إنه يثق في حدسه تجاهها.

فيلم حلو جداً هديلة 10/10

لكل فيلم سلبياته، وبالتأكيد مفيش فيلم مثالي، ولكنه فيلم جيد جداً جداً

IMDB إدته: 7.8/10 , rotten tomatoes إدته: 92%

لو شوفتوا الفيلم، شاركوني رأيكم؟ وهل استحثتكم القضيّة فعلاً؟ في الإطار المميز ده؟ الإطار الإجتماعي الواقعي؟

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

Current track
Title
Artist

Background