Million Dolar Baby (movie review) 2004

كَتبهفي 4 ديسمبر 2018

لو لسه ماشوفتش التريلر، ممكن تشوفه من هنا:

عارف لما تحس إن كل عناصر الفيلم اشتغلت سوا صح أوي، لدرجة إنك مش عارف إيه ممكن يتقال على الفيلم؟

هو ده شعوري بعد Million dolar baby وإللي بعد إلحاح من صديقي قررت أتفرج عليه وقتي بدون تردد..

مدرب البوكسينج (فرانكي) بتجيله بنت في منتصف عمرها إللي هي (ماري)، وبتقوله إنها عايزة تتدرب على إيده وتبقى بطلة عالمية في البوكسينج، طبعاً بيرفض، لكن بمساعدة صديقه وشريكه (كستر سكراب) هيبدأ يقربهم من بعض، لغاية ما تاخد العلاقة منحنى مختلف تماماً، من الحدّة، للحب الشديد والإنتماء.

أبطالنا هما: الأسطورة (كلينت إستوود) وهو ممثلي المفضل على طول العصور السحيقة والآتية، الممثلة الشاطرة والمجتهدة جداً (هيلاري سوانك) وطبعاً أحسن narrative في المجرة (مورجان فريمان) راجل صوته يليق بالأفلام التسجيلية والوثائقية حرفياً.

الفيلم: إخراج وإنتاج وبطولة كلينت إستوود، وهو أسطورة عالمية، اتجه للإخراج في مراحل متقدمة من عمره، بس إيه بَرع فيه بشكل كبير زي الفيلم إللي بين إيدينا كده، ولكنه أشهرهم.

معنديش كتير أقوله على الفيلم من ناحية مراجعة عادية، لأنه يفوق الممتاز بمراحل، وهديله 10/10 أما IMDb إدتله: 8.1/10 و rotten tomatoes إدتله:90%

خلاص كده! لو غير مهتم في إللي هقوله تحت تقدر تقفل المراجعة، لأن الباقي دي دردشة حرفيّة عن الفيلم، القصة، المشاعر والحالة…

اقرأ أيضاً  Now You See Me

دردشة عن الفيلم:

برغم إن الفيلم ده ممتاز، وإني بحب كلينت إستوود جداً و آه he killed it لأنه profession أوي وأعلى مما يمكنني وصفه، مع أداء غير طبيعي أداء أسطوري من هيلاري، عملوا harmonic أعنف من إللي ممكن أتحملها في وسط غوغائية الأفلام الحديثة دي..

دي كده نقطة، النقطة التانية، بعد ما أنهيت الفيلم وماقدرتش أقفله لغاية ما الـ credits خلصت لغاية الـ copy rights إلا إني ماكنتش مبسوطة، يمكن اتصدمت من قد إيه القصة واقعية وقريبة أوي، وإن مش كل شئ مرتبط بالـ (النهايات السعيدة) الغير طبيعية، ولكن إللي ضايقني إني حسيت إنه قاصد يضايقني، الفيلم كليةً so sad جوا زون أغمق من إللي دايماً أنا باخدها، بصراحة حاجة خرجتني برّة الـ safe zone إني مارتبطش بالفيلم عاطفياً، بس للأسف الـ safe ماطلعش أبدي! وتأثرت واحتكيت عاطفياً بالفيلم، وأعتقد هيبقى صعب عليا أشوفه تاني ببساطة المرّة الأولى وسذاجتها الحلّوة.. عادة الحالة دي لا تصيبني إلا مع الكتب، وده غريب 😀 ، لكن منذ زمن ما أصابتنيش في فيلم.. so this movie killed it totally

في ناس هتتعجب إني ماشوفتش الفيلم لغاية دلوقتي! برغم إنه أسطورة، وأقدر أقول إني أعرف 100% من الأفلام لكني ماتفرجتش على ربعهم حتى وده لعدّة أسباب ماتهمش حد في المجرة، بس هــــــــــــــــــــــا قد توفرت فرصة واتفرجت على الفيلم الأسطوري million dolar baby

اقرأ أيضاً  مراجعة فيلم Mother

لو شوفت الفيلم، أو لسه زيي ماشوفتوش، روح اعمله Download فوراً وشوفه وتعالى دردش انتا كمان في الـ comment section 😉

تصبحوا على ألف أمل

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

Current track
Title
Artist

Background