Full Out (mission impossible 6) movie review

كَتبهفي 16 نوفمبر 2018

لو لسه ما شوفتش التريلر، يبقى تشوفه من هنا:

لأول مـــــرة هعمل مراجعة وأنا Blind تماماً عن الفيلم!

-قصة الفيلم: (إيثان هانت) يعود من جديد! يقابل زوجته السابقة إللي تسبب في خطفها في الجزء التالت أو التاني لا أتذكر تحديداً، يجمع فريقه عشان يكمل مهمة غير منتهيّة وليها ذيول من الجزء الخامس، بيحاول يوصل بينا (توم كروز) لأكثر المشاهد خطورة في الألفينات، لدرجة إنك بتتسائل: “هتعمل إيه بعد كده؟” الإرهابي إللي سبق وتحدّى إيثان الجزء إللي فات بيرجع تاني عشان مسك الختام، يختم سيّاق سيرته المهنية في الإرهاب بتفجير ثلاثي الأبعاد، وإيثان، بلا أي خطة أو تجهيزات، وبسبب خطأ شخصي بيحاول يتصدى ليه..

-الأبطال: إيثان هانت: توم كروز/ هنري كيفيل: والكر/ سايمون بيج: بينجي/ ريبيكا فيرجسون: إلسا/ فينج راميز: لوثر/ فينيسّا كيربي: white widow/ سيّان هاريس: لاين

-الفيلم تقريباً كسب 7 أضعاف إللي دفعه، وإللي لفت نظري كانت التكاليف المرعبة داخل الفيلم، باين يعني إنه مصروف عليه بصراحة…

-الفيلم بينتقل ما بين الأكشن على الخفيف، وجرعة الإثارة المحترمة، والحركات الخطيرة جداً إللي بتتضمن عمليات المطاردات كلها مع مشاهد دراميّة قليلة جداً

-الفيلم ده قدّم ختام ممتاز للسلسلة، بل وبصنعة ذكاء فتح أبواب جديدة لـ mission impossible من غير ما يخلّي المُشاهد يجزع

-الفيلم فيه مشكلة رئيسية تضحك، كل ما (إيثان هانت) تفلت منه الأحداث، وكأنه بيفشل وبيخسر، بأكتشف -كمُشاهدة يعني- إنه: “لا، لا أنا كنت عارف إنه هيحصل، أنا عامل حسابي” وده بشكلٍ ما بيحبط my observational logic ومنطق التحليل الطبيعي للأحداث إللي بيحطه المشاهد بيكتشف إنه لأ مفيش مستحيل في “المهمـــة المستحيـــلة”! وده أمر مضحك صح؟!

اقرأ أيضاً  مراجعة فيلم Ant man and The Wasp 2018

-أحلى حاجتين في الفيلم هما: المازيكا، والمازيكا بشكلٍ ما بتدخلني في الفيلم وقصته وبتندمج مع الأحداث وكأنها بطل بيتكلم، هكذا هي الموسيقى الحيّة الناجحة لأي فيلم في رأيي. والـ evidence أو الدلائل، كل دليل ورهولنا المخرج من “تحت لـ تحت” استخدمه، وكأنه بيشاركك في توقع الأحداث، بيدخلك في صناعة القرار والقصّة، وكل ده عشان تبقى مبسوط ^_^

-أسوأ ما ممكن أني أشوف في  فيلم إن يكون الـ intro بتاعه زي الفيلم ده! ده -باختصار- intro مسلسلات!

في النهاية: الإخراج 10/10 (زوايا تصوير محترفة، وصورة نقيّة)

الأداء التمثيلي: 10/10 (أداء احترافي ماينفعش أتكلم)

الهدف: 10/10 (قصة منسجمة جداً)

ومع ذلك هدي الفيلم 8/10 زي ما IMDb إدتله 8/10، وrotten tomatoes إدتله 97%

لو لسه ما شوفتش الفيلم -أو شوفته 😉 – قولي رأيك في الـ comments section

 

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

المقال التالي


Thumbnail
Current track
Title
Artist

Background