Toy Story 3 ( مرحلة الإستغناء )

كَتبهفي 6 مايو 2018

صعب اوى لاى حد بعد ما كان محبوب و مفضل و مميز عند شخص ان هو فجأه  يتنسى او يضيع و حاجه تانيه تاخد مكانه احساس صعب اوى بس ايه اللى هيحصل بعد كدا او .. هتتصرف ازاى ؟!
التجربة دى “أودى” بالصدفه وقع فيها , اما بالنسبه للصدفه نفسها فــ كانت بدايتها ان “أندى” كبر , و هيسافر و يروح الجامعة كمان و مامته كانت عايزاه يوضب شويه اللى مش هياخده معاه الجامعة , واللي يوضبه يأما يتحط فى السندره او يترمى …

و “أندى” قرر يحط كل لعبه القديمة فى كيس و يحطهم فـ السندره و “أودى” ياخده معاه الكلية , لكن مامت “أندى” كانت فاكره ان دى شنطة زباله !!

Toy Story 3 ( مرحلة الإستغناء )و لما “أودى” راح لهم عشان ينقذهم لقاهم بخير و عرفوا يهربوا و راحوا لعربية مامت “أندى” عشان الكارتونه اللى فيها الحاجه اللى هيتبرعوا بيها و من ضمنها لعبة العروسة “باربى” اللى “مولى” اخت “اندى” اتخلت عنها و طبعاً كانوا فاكرين ان “أندى” خلاص مش عايزهم وعايز يرميهم في الزباله , لكن “أودى” كان بيحاول يفهمهم انه كان هيحطهم فى السندره لكن مافيش فايده هما عايزين يروحوا للمكان اللى مامت “أندى” هتتبرع فيه بالحاجات احسن مايترموا , لكن و هما بيتكلموا العربيه اتحركت و فى الطريق “أودى”  كان بيقول لهم ان مركز الرعاية دا مكان كئيب للعب القديمة اللى ملهاش صحاب و لازم يرجعو لــ “أندى” و قال لهم على طريقة للهرب لكن هما لسه على رأيهم و ان “أندى” خلاص مش هايعوزهم تاني …

يمكنكم قراءة 1 Toy Story ( لعبتي المفضلة )

و وصلوا للمركز المشمس اللى هو حضانة اطفال و شافوا اد ايه الاطفال بيلعبوا باللعب بطريقه حلوه اوى و لما الاطفال خرجوا للفسحة اللعب استقبلوهم بفرح وسعادة و اتعرفوا على “كين” و الدبدوب ” لوتسو” و اخدهم فى جولة فى المكان و عرفهم عليه و المكان كان جميل جدا و عندهم كمان قسم الاصلاح و الترميم للـلعب , كل حاجة كانت جميلة جدا و فى النهاية وصلوهم لــ حجرة اليرقات اللى بقى مكانهم و كلهم كانو مبسوطين اوى و حبوا المكان جدا و مستنين الاطفال بفارغ الصبر و “أودى” كمان انبهر من المكان لكن مغيرش رأيه و “لوتسو” و “كين” و باقى اللعب المكان مشيوا عشان يرجعوا هما لحجرتهم بس “باربى” راحت معاهم و فضلوا باقى اللعب …

Toy Story 3 ( مرحلة الإستغناء )

و لما “أودى” حاول يقنعهم تانى ماوفقوش بردو لان خلاص “أندى” كبر و هما كمان من حقهم يشوفوا حياتهم و قالوا له يفضل معاهم بس هو موافقش و مشى لوحده , بس للاسف ملحقش لانه وقع فى الارض بره و طفلة اسمها “بونى” حبته و اخدته و مامتها تبقى بشتغل فى المركز المشمس و تعرف مامت “أندى” , و جم الاطفال اللى مستنينهم لعب “أندى” مع ان اللعب اللى فى المكان اصلا كانو بيستخبوا منهم لانهم بيلعبوا بطريقة بشعة جدااا و كل اللعب تعبوا منهم و “باز” بص من الشباك و شاف الحجرة التانية و الاطفال اللى شافوهم اول مرة وحبوهم !!! و اخيراً الاطفال مشيوا , صحيح “أندى” ماكنش بيلعب بيهم كدا ابدا لكن لازم يتعودوا لكن الاطفال دول صغيرين اوى و المفروض ان هما كانو يبقوا فى حجرة الفراشات مع الاطفال الاكبر عشان كدا راح “باز” لــ “لوتسو” و قال له ان اطفال حجرة اليرقات سنهم مش مناسب ليه و لاصحابه و كلهم بيطالبوا بانهم يرحوا حجرة الفراشات و “لوتسو” وافقه بس كان هياخده هو بس لوحده و قال له ان اطفال حجرة اليرقات لازم لهم لعب بس دا مش دورهم ولا دور اللعب الجديده زى ما “باز” قال بس لصالح مجتمعهم بيطلبو من اللعب الجديدة الشديده تتحمل اللى الباقين ميقدروش يتحملوه “باز” اقتنع بس بردو هو و صحابه عيله لازم يفضلوا سوا و كدا “لوتسو” غير رأيه و جاب كُتيب الصيانة بتاع “باز” و غير فيه شوية حاجات !!

فى الوقت ده “أندى” كان بيحضر الحاجه بتاعته و كان بيسئل مامته على الشنطه اللي فيها اللعب عشان ملاقهاش فى السندره …

و “لوتسو مع “باز” اللى خالاه رائد فضاء تانى و فاكر ان اصحابه عملاء لــ “زورج”  حبسوا لعب “أندى” عشان نفس المشكله هما عايزين يمشوا و هما عايزينهم يفضلو فــ حبسوهم و خلوا “باز” هو اللي يحرسهم عشان ميهربوش واللي مش مصدق انهم اصحابه , و اخدوا لعبة منهم و حطوه فى صندوق الرمل لوحده !! لما اعترض على اللى بيحصل
و لما “باربى” شافت اللى بيحصل مع اصحابها سابت “كين” و كرهته و قررت انها ترجع لاصحابها فى الحبس اللى هما فيه …
و برغم من معامله “بونى” الكويسه لــ “أودى” و باقى لعبها اللى هما لُطاف و كويسين لكن وفاء “أودى” لــ “أندى” هو اللى مخليه يمشى بردو و لعب “بونى” ساعدوا “أودى” عشان يدور ازاى يروح لبيت “أندى” و لما عرفو ان هو كان فى المركز المشمس سألوه ازاى هرب منه و ان دا مكان كئيب و فاسد بيحكمه دب شرير ريحته فراولة , و لما سألهم عرفوا دا ازاى صاحبهم حكاله لأنه كان مع “لوتسو” فى بيت واحد هما و”بيج بيبى” كانت صاحبتهم نفس الطفلة “دازى” و “لوستو ” كان لعبة طيبه و صاحبتهم كانت بتحبهم بس “لوتسو” كان المفضل عندها و لعبوا كل حاجه سوا مافيش طفل و لعبه حبوا بعض اكتر منهم ♥

و فى يوم كانوا مسافرين و لعبوا شويه على الطريق و بعد الغدا “دازى” راحت فى النوم و مارجعتش تاخدهم تانى بس “لوستو” ميأسش و مشيوا كتير لحد ما رجعوا بيت “دازى” لكن ساعتها الوقت كان فات و جابت نفس لعبة “لوتسو” تانى وقتها فى حاجة اتغيرت فى قلب “لوتسو” و شخصيته اتشوهت برغم ان اللعبة الجديدة كانت بداله هو لكن كان شايف انها جابت بدالهم كلهم و مابقتش تحبهم و بقوا تايهين لحد ما لقو المركز المشمس و من ساعتها “لوتسو” مابقاش صاحبه و لا صاحب حد و استولى على زمام الامور و بيمشيها لصالحه , و سأله “أودى” جه ازاى البيت هنا قاله انه اتكسر و “بونى ” لقته و صلحته و اخدته بيتها لكن اللعب الباقيين حظهم وحش و قاله كمان ان اللعب الجداد مصرهم بيبقى مؤلم اوى …

Toy Story 3 ( مرحلة الإستغناء )و جه تانى يوم و راحت “بونى” المركز و راح “أودى” معاها فى الشنطة عشان ينقذ اصحابه و شاف اللى بيحصل فيهم بس كان هناك تليفون لعبة قاله انه ماكنش لازم يرجع تاني و ان الحراسة زادت بعد ما مشى بس “أودى” قدر يقنعه يساعده و يقوله على نظام الحراسة و يعمل ايه و بعد ما عرف كل المعلومات راح لاصحابه بعد ما الاطفال راحوا الفسحه و قالوا له على اللى حصل لـ “باز” و انهم غلطوا لما سابوا “أندى” بس “أودى” قال لهم انهم هيفضلوا مع بعض و قال لهم على خطة الهرب و فى الليل بدأوا التنفيذ و نجحوا فى جزء كبير منها , و “باربى” عرفت تفهم من “كين” اللى حصل لــ “باز” و مكان كُتيب الصيانة بتاعه و كلهم عرفوا يمسكوا “باز” و حاولوا ينفذوا اللى فى الكتاب بس الموضوع قلب شوية بس مش مشكلة هو بقى مطيع معاهم و المهم انهم يمشوا بسرعه …

يمكنكم قراءة Toy Story 2 ( الإختيار )

بس “لوتسو” واصحابه لقوهم و قال لهم يرجعوا ليهم تانى عشان يتفادوا عربية الزبالة بس هما ماقبلوش , و “كين” ماكنش عايزه يرميهم و “لوتسو” اتخلى عنه و كان هيرميه فى الزبالة بس لعب “أندى” انقذوه بس “كين” قال ان المركز المشمس هيبقى حلو و لطيف لو عَاملوا بعض بحب بس “لوتسو” هو اللى عمل فيهم كدا , و “بيج بيبى” رمى “لوتسو” فى صندوق الزبالة و لعب “أندى” كانوا بيهربوا بس لما “أودى” راح عشان ينقذ حد من اصحابه كان هيقع فى الصندوق  “لوتسو” شده جوا بس كل اصحاب “أودى” راحوا عشان ينقذوه حتى و الزبالة اللى فى الصندوق بتتحط فى العربية بس “كين” ماسبش “باربى” تروح معاهم بس “باز” كان وقع عليه حاجه و لما شالوها رجع تانى “باز” صاحبهم اخيرا ♥
و مروا بمشاكل و مصاعب كتير و “لوتسو” عمل فيهم خدعة تانى و كانو هيتحرقوا كل دا حصل لهم و هما مع بعض و بيحاولوا يهربوا لكن مجموعة صغيره من اصحابهم كانو مشيوا من طريق مختلف عرفوا ينقذوهم فى اخر لحظة و بقوا فى امان و مشيوا من المكان اللى هما فيه اما “لوتسو” عشان هو شرير و انانى و ملوش اصحاب و لاحد بيحبه وقع فى مشكلة تانية لوحده …
اما لعب “أندى” ف عرفوا يوصلوا لبيته و هما راحوا لصندوق السندره و “أودى” راح لصندوق الجامعة بس “أندى” لقى ورقة على صندوق اللعب اللى لما فتحه لقاهم و سأل مامته لو عايزاه يتبرع باللعب بس هى قالت له زى ما هو عايز و ركب عربيته و راح على العنوان اللى فى نفس الورقة و ماكنش بعيد اوى و شاف الطفلة اللى كانت بتعلب فى الجنينه “بونى” و مامتها سلمت عليه و قال لها انه معاه شوية لعب و قال للبنت انه عرف انها بتحافظ على اللعب و انه مسافر دلوقتى و محتاج حد يكون حنين جدا يلعب معاهم و طلع لها اللعب و عرفها بيهم و هى اتبسطت بيهم و لما لقى “أودى” فى الصندوق استغرب و اتردد قبل ما يديه ليها و قال لها ان “أودى” هو اللى فضل صاحبه من اول ما ابتدا يلعب باللعب و انه شجاع زى احسن cowboy و طيب و ذكى بس اللى بيميز شخصيته فعلاً انه عمره ما يتخلى عن صاحبه ابدا ميتخلاش عنك مهما حصل ♥

Toy Story 3 ( مرحلة الإستغناء )

Toy Story 3 ( مرحلة الإستغناء )

و سألها لو هتاخد بالها منه كويس و هى قالت ايوه و ادهولها و فرحت بيه اوى و بعدها فضل يلعب معاها شوية و بعدين مشى , و لعب “أندى” فضلوا مع بعض و كمان “أودى” بقى يعرفهم بــ للعب “بونى” , و “باربى” و “كين” و “بيج بيبى” رجعوا للمركز المشمس اللى بقى مكان مشمس فعلاً و اللعب بيبدلوا مع بعض فى غرفة اليراقات و بقوا يحبوا بعض و يعَاملوا بعض كويس و بحب ♥
الاهتمامات و الاولويات بيتغيروا مع الوقت و مع السن و اكيد فى حاجات مينفعش تفضل معاك العمر كله , كل حاجه و ليها وقتها و متعتها فى وقتها بس فى حاجات بتبقى قيمة عند بعض الناس حتى لو بسيطة وحتى لو مر عليها السنين بس بتبقى قيمة بحبنا ليها و ذكرياتنا معاها و معناها عندنا , عشان كدا فى حاجات ممكن تفضل لمدة اطول في حياتنا لأنها ساهمت فى صُنع ذكريات جميلة و مشاعر حلوة بنفتكرها كل ما بنشوفها حتى لو لعبه, كل حاجة حلوه و كويسه بنحبها حتى لو بسيطه حتى لو مجرد ذكريات , تستاهل نحافظ عليها و نهتم بيها ♥

التعليقات

التعليقات

الوسوم

آراء القراء

اترك تعليقك

This site uses Akismet to reduce spam. Learn how your comment data is processed.


أكمل القراءة

Current track
TITLE
ARTIST

Background