AvenGers : Infinity War Review 2018

كَتبهفي 1 مايو 2018

السلام عليــــكم..

تقدروا تعتبروا ـ يا قرائي ـ المراجعة دي مختلفة عن المراجعات التقليدية.. لأول مرة، هنزل مراجعة لفيلم بعد ما نزل دور العرض في أقل من أسبوع !

الأسطورة الملحمية AvenGers ورائعتها Infinity War .. الفيلم إللي كل معجبي Marvel للإنتاج السينمائي استنوه..

خلينا نقول مقدمة سخيفة كده قبل ما نخش في أسخن الأحداث وأهم حاجة ممكن تشدك كمشاهد إنك تشوف الفيلم ده بمجرد ما تقرأ المراجعة.. أو ماتشوفوش 😉

مارفل ستوديوز هي واحدة من أكبر شركات الإنتاج العالمية والمتخصصة في إنتاج الأفلام المنقولة قصتها عن الكوميكس المعروفة جداً مارفل كوميكس.. وصدقوني لما أقولكم إن إللي بتعمله مارفل مفيش حد تاني أبداً يقدر يعمله!

أما عن الملحمة الأسطورية الفانتازية أفينجرز فهي من أنجح السلاسل في قرننا الحالي المتواضع، ابتدت بـ the avengers سنة 2012 مروراً بعصر الألترون وأفنجرز الحرب الأهلية حتى أفنجرز حرب الأزليّة! .. بس يعتبر هذا الأخير هو الأعلى في التقييم والإيرادات حتى الآن، زي ماهو كمان الأعلى في الإنتاج..

AvenGers : Infinity War Review 2018

معانا سلسلة من أبرز النجوم في مجرتنا الجميلة !

ومش ببالغ فعلاً ـ هذا إن ماكنش في حياة وهوليوود في مكان تاني في المجرة أنا معرفوش ـ :

روبرت داوني ( توني ستارك/ أيرون مان )/ كريس همسورث ( ثور أودين )/ كريس إيفانز ( ستيف رودجرز/ كابتن أميركا )/ سكارليت جوهانسون ( العميلة أبونوف/ الأرملة السوداء )/ ساموييل جاكسون/ مرك رافئيل ( د.بن/ هالك )/ بينيديكت كامبربيدج ( د.ستيفن سترينج/ دكتور سترينج ) .. وغيرهم كتير جداً من نجوم عدّة سلاسل تانية زي سبايدر مان وبلاك بانثر ومعانا فرقة Guardians of Galaxies الرائعين.. كمية ممثلين جّا الخلاط لدرجة إني مش هقدر أحصرهم.. وطبعاَ جوش برولين عن دور ( ذانوس )

اقرأ أيضاً  مراجعة فيلم Hereditary 2018

مش هنخوص كتير في فريق التمثيل لأنهم أكتر وأكبر من إني أقيمهم وإلا هنحتاج مجلدات بدراسة أعمال كل شخص.. ولكن إزاي وصلوا للبراعة دي؟!

ببساطة مارفل كانت ممكن تعمل سلسلة أفينجرز علطول من غير ما تفصل بين كل جزء والتاني بـ سلسلة مهولة من الأجزاء عن كل بطل منفصل، وبعدين إذ فجأة تجمعهم كلهم تاني في جزء من الأجزاء وهكذا! بدأت بـ آيرون مان، وكابتن أميركا.. وبعدين كبرت المشروع لغاية ما خرج عن السيطرة فعلياً! لدرجة إنك مابقتش قادر تتوقع مين البطل إللي ممكن يكون هي لسه ماعملتوش، دي ضربت بسقف توقعات المشاهدين والمتابعين عرض الحائط حرفياً! طب ليه؟

لأن مارفل بتعتمد كليةً على التفاصيل الدقيقة جداً إللي بترميها خلال كل فيلم لأبطالها منفصلين، دورك بقى تجمع أدق أدق التفاصيل دي عشان تقدر تشوفهم متجمعين من غير ما عقلك ينفجر! عشان كده لو ناوي تشوف أفنجرز حرب الأبدية/ الأزلية لازم وحتماً تكون بتثق كويس جداً في قدرتك على التركيز، أو ترجع تشوف إنتاج مارفل كله!

التريلر:

التريلر أو تحديداً الأوفيشيال تريلر حكاية لوحده.. لأنه لا يمت بأي صلة للي ممكن تفهمه أو تشوفه في الفيلم فعلاً!

وفي سياق التريلر هتشوف شوية مشاهد ملحمية، لحروب ودماء، وحزن وهم، وهتشوف طبعاً ( ذانوس ) وإللي كان ظهر في مرحلة ما من أفلام ثور، وكان كمان سبب في أول هجوم على الأرض بمساعدة لوكي..

اقرأ أيضاً  Enternal sunshine of the spotless mind Review 2004

شوية مفاجآت :

لوكي هيموت!

غامورا هتموت!

وناس تانية كتير هتموت بردو.. متزعلوش أكيد هيرجعوا في وقت ما..

أحب أوجه إعجابي بالمؤثرات البصرية العملاقة إللي أصلاً النوعية دي من الأفلام  بتعتمد عليها بشكل كبير جداً، رغم إن الموضوع ظهر في مرحلةٍ ما وكأني في video game ولكن.. شكراً ديزني..

عيوب سخيفة جداً:

الأحداث متداخلة

رغم إنك مش بتخرج منها مشتت في الآخر، لكن بردو طول الوقت بتسأل نفسك سؤال غريب جداً ( هما إزاي بيلاقوا بعض؟! إزاي بيوصلوا لبعض بالصدفة العجيبة دي ؟!) ده كأن مفيش في الكون غيرهم! بس تكتشف إن الفيلم ماشي بمبدأ ( رب صدفة خير من ألف ميعاد 😉 )

الكوميديا

حلوة جداً جداً وخفيفة وكعادة مارفل في أفلام الفنتازيا والإثارة والخيال والأكشن بتوعها لازم لمسة الكوميديا الفريدة عندها كمان، ولكن في رأيي كانت ممكن تبقى أبرز من كده وأنجح من كده لأنها كانت شبه مش متوزعة صح..

الفيلم ملغبط جداً

بالنسبالي زيه زي الأجزاء إللي قبليه من أفنجرز، يمكن أكثرهم تماسك هو the AvenGers لكن ده وبشكل بارع مأثرش على القصة ولا الحوار بين الأبطال ولا كمان زمن الفيلم، بس كان مزعج بالنسبالي إني خرجت بولا حاجة كده على بعضها..

في النهاية:

الفيلم ده بشكل غامض يا تشوفة عدّة مرات من كتر ماهو رائع ومثير جداً جداً ومن أحلى أفلام الموسم إن ماكنش أحلاهم، يا تقفله وتفضل فاكره ومضات وشوية وتنساه وماتفكرش ترجعله تاني! ودي من أغرب المشاعر إللي قابلتني بعد ما خلصت..

اقرأ أيضاً  مراجعة فيلم Mother

خلينا نحط التقييم ونختم فقرة الدردشة الغير مهنية أو دي، فأنا هديله 10/10 لأني اتبسطت جداً وهشوف الفيلم تاني وتالت و….

IMDb : 9/10

Rotten Tomatoes: 84%

والفيلم في النهاية كان ليه جماهيرية أسطورية فعلاً..

أتمنى تشوفوه، وتشاركوني رأيكم المبدئي في التريلر وكمان رأيكم في الفيلم، ورأيكم في المراجعة.. وترشيحاتكم للمراجعات الجاية .

تقدروا تشوفو Darkest Hours & Dunkirk المراجعة الأسطورية !

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

المقال التالي


Thumbnail
Current track
Title
Artist

Background