1 Toy Story ( لعبتي المفضلة )

كَتبهفي 25 أبريل 2018

جزء كبير من طفولتنا بيكون فى اللعب او مع اللعب , و اكيد كل واحد عنده لعبة مُفضلة بيحبها اوى و ممكن يكون ليه ذكريات معاها و ممكن بردو تيجي ليك لعبة تانية جديدة و تحبها اوى و تبقى مُفضلة عادى , لكن بالنسبة للعبتك القديمة دا مش عادى ابداً !
و دا اللى حصل مع “أودى” فى فيلم حكاية لعبة – Toy Story , “أودى” كان لعبة “أندى” المُفضلة و بيحبه اوى و معاه من هو فى الحضانة و باقى لعب “أندى” عارفين دا .. لكن فى يوم ميلاد ” أندى” من كل سنة دا بيكون يوم مُخيف بالنسبة لهم عشان بيخافوا من الهدايا لأنها ممكن يكون من ضمنها لعب  و “أندى” يستبدلهم باللعب الجديده و رغم معرفة “أودى” اد ايه بيحبه “أندي” بردو كان قلقان لنفس السبب بس بيحاول ميظهرش دا لباقي اللعب و بيحاول يطمنهم …

Toy Story ( لعبتي المفضلة ) - راديو التكية

Toy Story ( لعبتي المفضلة ) – راديو التكية

حفلة يوم ميلاد “أندى”

و جه وقت حفلة يوم ميلاد “أندى” , و بعت “أودى” فرقة استطلاع عشان يطمنوا و بعد الانتهاء من فتح كل الهدايا اللى مكانش فيهم لعب مامت  “أندى” طلعت هديتها و الهدية دى كانت لعبة !
رائد الفضاء “باز يطير” و اللى “أندى” ببساطه حطه مكان “أودى” !
و “باز” مقتنع انه رائد فضاء فعلاً  !

و باقى لعب “أندى” مبهورين بــ “باز” و امكانياته اللى مش عند “أودى” و شايفين ان “أودى” بيغير منه لكن هو عارف ان “باز” مجرد لعبة مش رائد فضاء و لا بيحارب الشر و لا عنده ليزر و لا بيطير و بيحاول يقنعه هو و باقى اللعب انه لعبة عاديه , لكن “باز” مقتنع بكل امكانياته و انه رائد فضاء فعلاً , و باقى اللعب حبوه …

و “باز” بقى لعبة “أندى” المُفضلة و مميز عنده و اخد مكان “أودى” ف كل حاجة  اللى غيران منه فعلاً و زعلان لأنه اخد “أندى” منه و قرر يبعد “باز” عشان “أندى” يرجع له تانى و كان عايز يوقعه ورا مكتب “أندى” و كان بيعمل كدا فعلاً لكن خطته فشلت و حصلت حاجات من غير قصده خلت “باز” يوقع من الشباك فى الزرع و فى لعبة اعترفت على “أودى” و باقى اللعب فهموا السبب طبعاً لكن هو كان بيحاول يفهمهم انه مش السبب فى اللى حصل لكن الكلب اللعبة صاحب “أودى” كان الوحيد اللي مصدقه …

Toy Story ( لعبتي المفضلة ) - راديو التكية

Toy Story ( لعبتي المفضلة ) – راديو التكية

و “أندى” اخد “أودى” معاه و هو خارج لما ملاقاش “باز” , و لما وقفوا فى محطة البنزين “أودي” اتفاجأ بــ “باز” اللى كان فرحان انه كويس و انه معملش فيه حاجة و ان “أندى” هيلاقيه و لما يرجعوا هيقولوا لاصحابهم انها كانت مجرد غلطة بسيطة و كان بيحاول يتفق معاه على دا لكن “باز” كان متأكد انه عايز ينتقم منه و اتخانقوا مع بعض و خرجوا من العربية لكن لما “أندى” و مامته رجعو و مشيوا و”أودي” و “باز” ملحقوش يركبوا معاهم , لكن عرفوا يلحقوهم و لما وصلوا للمطعم اللى فيه “أندى” “أودى” كان بيحاول يوصله …

اقرأ أيضاً  Shark Tale - اشاعة القرش

لكن لما “باز” شاف لعبة فى المطعم على شكل سفينة دخل جواها و “أودى” راح وراه عشان لازم يرجعوا سوا و جه طفل يلعب اللعبة دى و الطفل دا كان “ساد” جار “أندى” اللى بيعذب اللعب عشان يتسلى , و طبعاً “أودى” عارفه هو و كل لعب “أندى” وللاسف الونش فى اللعبة جه على “باز” و “أودى” حاول يساعده و يسحبه لتحت بس معرفش و طلعوا هما الاتنين و اخدهم ” ساد ” لبيته تحديداً غرفته مقر تعذيب اللعب و اللى فيه كل ادوات التعذيب بتاعته !

و شافوا لعب “ساد” المُخيفة و “اودى” كان مرعوب جداً و عايز يهرب و فى الوقت دا كان باقى لعب “اندي” بيحاولوا يدوروا على “باز” من الشباك …

ساعتها كان رجع “أندى” وكان بيدور على “أودى” فى العربيه و كان فاكر انه ضاع و باقى اللعب عرفوا انه ضاع و جزء منهم كان فاكر انه هرب بعد اللى عمله …

Toy Story ( لعبتي المفضلة ) - راديو التكية

Toy Story ( لعبتي المفضلة ) – راديو التكية

و لحسن الحظ وصل “أودى” و “باز” لتانى يوم من غير ما “ساد” يعمل فيهم حاجة غير جرح صغير لــ “أودى” اللي كان بيحاول يهرب لكن الكلب شافوا هو و “باز” و هربوا منه و كل واحد دخل فى اوضة و فى الاوضة اللى كان فيها “باز” شاف الاعلان بتاعه , اعلان لعبة “باز يطير” و عرف انه فعلاً مجرد لعبة …
و لما حاول يطير وقع , و لما شافته اخت “ساد” اخدته و لعبت بيه مع العرايس بتاعتها و “أودى” دور عليه و لما لاقاه اخده من اوضة اخت “ساد” و  “باز” حالته بقت صعبه و بقى مُكتئب لانه لعبة مش قادر يطير حتى مش الشباك !
و دا جاب فكرة لــ “أودى” انه يطلع للشباك وعرف يطلع فعلاً و بقى قدام شباك اوضة “أندى” و شاور للعب و بعت لهم حبل عشان يوصلو للشباك و يرجعو الاوضة و حاول يقنعهم ان “باز” بخير و معاه بس معرفش يقنعهم و هما مصدقوش و افتكروا قتل “باز” !

اقرأ أيضاً  Home ~ولكن لدي أمل ♥ ~

و لما راموا الحبل فجأة “أودى” لقى العاب “ساد” بيتجمعوا حوالين “باز” و اخدوا من “أودى” ايد “باز” اللى كانت اتكسرت منه لما حاول يطير و وقع و كان فاكرهم عايزين يكسروه لكن اتضح انهم كانو بيصلحو ايده و اتصلحت فعلاً , اللعب دى ماكنوش اشرار و لا حاجة زى ما “أودى” كان فاكر لكن كل دا ماكنش مهم بالنسبة لــ “باز” اللى كان لسه حزين و مش عايز يعمل حاجه و “أودى” كان بيحاول يبعده لما سمع صوت “ساد” و هو طالع الاوضه بس “باز” رفض مساعدته …

في الوقت ده “ساد” كان سعيد جداً بالطرد اللى وصله واللي كان مستنيه , صاروخ ذرى خطير و كان بيفكر هيفجر مين من لعبه المره دى , و لما فكر يفجر “أودى”  لقى “باز” قدامه فــ اختاره , و لظروف المطر قرر يأجل عملية التفجير لتانى يوم و ربط “باز” فى الصاروخ و سابه على المكتب اللى كان عليه “أودى” …

في الوقت ده كان “أندى” حزين عشان ملاقاش “باز” و “أودى” و عشان هيعزلوا من غير ما يلاقيهم …

Toy Story ( لعبتي المفضلة ) - راديو التكية

Toy Story ( لعبتي المفضلة ) – راديو التكية

و “أودى”  كان بيقول لــ “باز” يساعده عشان يعرف يخرج من المكان اللى اتحبس فيه و هو يخلصه من الصاروخ و يرجعوت بيت “أندى” لكن مفيش فايده “باز” شايف انه ميقدرش يساعد حد و ان بيت “ساد” من بيت “أندى” مفيش فرق و انه كان عنده حق و انه مش رائد فضاء هو مجرد لعبة تافهه لكن “أودى” قاله ان “أندى” بيعتبره عظيم مش عشان هو رائد فضاء عشان هو لعبته و اى لعبة تتمنى تبقى زيه واى لعبة حتى لو شبه “أودى” تقدر تعمل ايه قصاد “باز يطير” ♥
ليه “أندى” يلعب بيه و هو عنده لعبة زيه …

اقرأ أيضاً  Inside Out ( جُزر )

و قرر “باز” يساعده عشان فى ولد فى البيت التانى محتاجهم , فى الوقت ده عربية النقل وصلت بيت “أندى” , لكن “باز” و “أودى” كملوا و خرج “أودى” لكن منبه “ساد” رن و قام و اخد “باز” عشان جه معاد الانطلاق , لكن “أودى” قدر يقنع لعب “ساد” انهم يساعدوه ينقذ “باز” , و فعلاً بمساعدتهم قدروا ينقذوا “باز” و كمان يعلموا “ساد” درس عن اللعب و انه لازم يعامل لعبه باحترام وحب ♥.

ساعتها كان “اندي” وعيلته اتحركو بالعربيه وعزلوا , وحاول “أودي” و”باز” يوصلوا للعربيه ومعرفوش , وبعد محاولات كتير بمساعدة باقي اللعب قدروا يوصلوا للعربية جمب “اندي” بظبط اللي فرح جداً لما لاقاهم لانه بيحبهم هما الاتنين ♥
الغيرة اللى توصلك انك تأذى حد تبقى حقد لأن مش دا اللى هيثبت وجودك او انك الاحسن او الافضل بالعكس دا ممكن يتقلب ضدك و الناس تعرف اللى عملته و يكرهوك !

اللى بيحبك بجد هيفضل شايفك على طول و هتفضل انت مميز بالنسبة له , ممكن مكانات الناس تتغير عند كل واحد لكن الحب و الود و الذكريات الحلوه مكانهم مش بيتغير و بيفضلوا جوا القلب و مفيش حد او حاجه بتاخد مكانهم ♥

Toy Story ( لعبتي المفضلة ) - راديو التكية

Toy Story ( لعبتي المفضلة ) – راديو التكية

يمكنك أيضاً قراءة البحث عن نيمو .

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

Current track
Title
Artist

Background