Frozen ( تريدين رجل جليد ♥ )

كَتبهفي 3 مارس 2018

التضحية , ممكن تحصل لكل واحد فينا و باشكال مختلفة , بس ممكن تكون بتحصلك فعلاً و انت متعرفش و اللى انت تعرفه و شايفه بس ان فى شخص بتحبه و قريب ليك جدا بيعبد عنك !!
زى “أنا” فى فيلم “frozen” هى و اختها “ألسا” كانوا قريبين من بعض جداً و “أنا” كانت عارفة بقوة “ألسا” الثلجية و كانوا بيستغلوها فى اللعب بس , لكن فى مرة من غير ما تقصد “ألسا” قوتها اصابت “أنا” واصاب التلج مخها و بقت باردة زى   التلج ..

Frozen ( تريدين رجل جليد ♥ ) - راديو التكية

Frozen ( تريدين رجل جليد ♥ ) – راديو التكية

و لما باباها و مامتها عرفوا راحو بيها لاقزام عارفين انهم هيعرفوا يساعدوها و القزم اللى عالجها كان علاجه عبارة عن انه هيبدل ذكرياتها مع اختها يعني مش هتبقى عارفة بقوتها , و دا هيبقى احسن ليها و القزم قال لــ “ألسا” انها كل ما هتكبر هتكبر قوتها كمان , المهم انها تعرف تسيطر عليها …

و من وقتها و الملك باباها قرر انهم يقفلوا ابواب القصر و يقللو الخدم و اختلاطتها بالناس و كل بنت هتبقى فى غرفه لوحدها عشان يتجنب اى حوادث تانية تحصل بسبب قوة “ألسا” , لكن “أنا” ماكنتش فاهمة سبب التغير دا كله و خصوصاً من اختها اللى بتبعد عنها برغم من كل محاولاتها انها تلعب معاها لكن كل ما كانت “ألسا” بتبعد وتكبر كان خوفها و قوتها بيكبروا …

و بسبب حادثة فظيعة مات الملك و الملكة , و “ألسا” مقدرتش تروح العزاء حتى ..
و بعد 3 سنين جه يوم تتويج “ألسا” بس دا ماكنش يوم عادى بالنسبة لــ “أنا” لأنه اخيرً هيتتفتح الابواب و هتقابل ناس جديده و كانت سعيدة جدا , و قابلت شخص و عرفت انه امير من جُزر الجنوب الامير “هانز” بس افتكرت التتويج و راحت القصر و فى الحفلة كانت “ألسا” ابتدت تتكلم معاها و فرحت و استغربت “أنا” من دا و حسيت انهم رجعوا زى ما كانو زمان لكن “ألسا” بعدت تانى و مشيت “أنا” و قابلت “هانز” و فضلت تتكلم معاه و قربوا من بعض و بمنتهى الجنون عرض عليها الجواز و هى وافقت و لما راحوا لــ “ألسا” و قالو لها رفضت و قالت لها ان مافيش جواز من اول شخص تقابله و انهت الموضوع و قالت للحراس يقفلوا الابواب و ان الحفل انتهى بس “أنا ” مقدرتش تستحمل و كانت عايزة تفهم هى بتعمل كدا ليها معاها !!

Frozen ( تريدين رجل جليد ♥ ) - راديو التكية

Frozen ( تريدين رجل جليد ♥ ) – راديو التكية

و شدت القفاز من ايد “ألسا” اللى بتلبسه عشان تخفي قوتها , لكنها في لحظة غضب مقدرتش تتحكم فيها بنفسها اظهرت قوتها لكل الناس فجأة و أتفاجئ الكل و “أنا” من اللى حصل , لكن “ألسا” حاولت تهرب و مع خوفها اللى بيزيد الجليد كمان بقى يزيد و هربت , و “أنا” قررت انها هى اللى هتدور عليها لأن اللى حصل كان غلطتها و سابت  الامير “هانز” نائب على المملكة و ان المدينة فى امانته لحد ما ترجع …
و “ألسا” كانت حزينة من اللى حصل لكنها فكرت انهم خلاص عرفوا بقوتها و انها دلوقتى بقت لوحدها و مافيش حد تأذيه و من حقها تبقى حره و قررت تعيش فى المكان اللى هى فيه و بانت لنفسها قصر من التلج ♥
و “أنا” كانت لسة مستمرة فى البحث و لما وقع تلج عليها حصانها خاف و هرب و اضطرت تكمل لوحدها لحد ما وصلت لمتجر و دخلت و سئلت لو فى احذية و معاطف و بعدها دخل شخص و واضح من كلامه انه عارف بموضوع التلج اللى جه فى الصيف فجأة و عارف جه منين و فكرت انه ممكن يساعدها توصل ل “ألسا” و طلبت منه يوصلها و جابت له الحاجات اللى كان هيخدها من المتجر بس مقدرش يدفع تمنها …

اقرأ أيضاً  1 Toy Story ( لعبتي المفضلة )

و ف أثناء الرحلة حكت له على الموضوع كله و “كريستوف” مفهمش ازاى تتجوز من شخص فى نفس اليوم اللى قابلته فيه !
لكنها شايفة ان ده حب حقيقي و فجأة هجم عليهم ذئاب و حاولو يهربوا منهم بس الزحافة بتاعت “كريستوف” اتحطمت و ماكنش هيكمل معاها , بس كمل عشان صعبت عليه و كمان هتجبله زحافة تانية كــ تعويض …

و كمل و هما فى الطريق  قابلو رجل جليد حىّ , “أولف” و كان شبه اللى عملته “أنا” و “ألسا” و هما صغيرين و كمان نفس الاسم و ده اللى افتكرته “أنا” بس هو كان غريب شوية .. بيحب الصيف !
و “أنا” سألته لو “ألسا” هى اللى صنعته و لو يعرف مكانها  و هو قال لها ايوة و هى الى صنعته و لما عرف انهم عايزين يرجعوا الصيف فرح و كملوا الرحلة تانى مع “أولف” و فى المملكة كان “هانز” بيحاول يساعد الناس و فجأة الحصان رجع المملكة و كان هايج و خايف و “هانز” فهم ان “أنا” فى خطر و كان محتاج متطوعين عشان يروحلها و دوق من اللى كانو معزومين على حفل التتويج اداله اتنين من مساعدينه بس بهدف انهم اول ما يشوفو الملكة ينهوا الموسم الجليدي عن طريق قتل “ألسا” لأنه جه المملكة اصلاً عشان عايز يستغلها , و وصلوا “أنا” و “أولف” و “كريستوف” و لقوا قصر من الجليد بس “أنا” طلبت منهم يستنوا بره و دخلت و لقت “ألسا” و انبهرت بشكلها الجديد و بالقصر و حاولت تقنعها ترجع و انها مش خايفة لكن “ألسا” فضلت مُصرة على رأيها , و لــ تانى مرة من غير ما تقصد جابت تلج تانى فى “أنا” بس المرة دى فى قلبها !!

Frozen ( تريدين رجل جليد ♥ ) - راديو التكية

Frozen ( تريدين رجل جليد ♥ ) – راديو التكية

و جالها “كريستوف” عشان يطمن عليها بس “ألسا” كانت خايفة و عملت لهم وحش من الجليد عشان يمشوا بس عرفوا يهربوا منه لكن “أنا” ماكنتش عارفة تعمل ايه و مش هينفع ترجع المملكة قبل ماتحل مشكلة الجليد اللي بقى في كل المدينة , بس جزء من شعرها اتحول لابيض و ده لاحظه “كريستوف” , قالها انه هيوديها لاصدقائه هيعرفوا يساعدوها و “ألسا” فى الوقت ده كانت متوترة و بتحاول تسيطر على خوفها و على نفسها لكن الخوف بيزيد وقوتها بتزيد ومش قادرة تتحكم فيهم ..
و وصلوا للمكان اللى فيه اصدقاء “كريستوف” بس لقوا انه بيكلم صخور!!
و “أولف” قال ل “أنا” تهرب لكن “كريستوف” قالها تستنى و الصخور اتحركت و طلعوا أحياء !
و طلعوا انهم الاقزام اللى راح لهم الملك عشان “أنا” بس هى طبعاً مش فاكرة و متعرفش , هى انبهرت باللى بيحصل و “كريستوف ” كان عايش معاهم و هو صغير و هما كانو فاكرين ان هو و “أنا” بيحبوا بعض لكن هو فهمهم انها مخطوبة لشخص تانى , لكنها تعبت تانى و حرارتها بقت زى التلج و جه نفس القزم اللى عالجها و هى صغيرة و قالها انها محتاجة جرعة حب حقيقي و “كريستوف” قرر يوديها عند “هانز” عشان ينقذها اللى كان فى الوقت ده وصل لقصر “ألسا” وهجم عليهم الوحش بس “هانز” عرف يتخلص منه و لما مساعدين الدوق شافو “ألسا” حاولوا يتخلصو منها و هى ماكنش قدامها غير قوتها عشان تدافع بيها عن نفسها , بس “هانز” لما شافها كدا قال لها ماتبقاش الوحش اللى هما عايزينه …
وبعد محاولة هروبها من مساعدين الدوق اغما عليها و لما فاقت لقت نفسها فى زنزانة فى القصر و شافت اللى هى عملته في المدينة و جالها “هانز” وقال له انه جابها هنا عشان الجنود ميقتلوهاش و هى قالت له انها خطر على المملكة و انه يجيب “أنا” و هو قال لها انها ماجتش وطلب منها انها بس توقف اللى هى عملته و ترجع كل حاجة زى ما كانت لكن هى قالت له انها متقدرش و يسيبوها ترجع و هو قال انه هيعمل اللى يقدر عليه ..
و وصل “كريستوف بــ “أنا” للقصر و قالهم يودوها للامير “هانز” و شكروه و قافلوا الباب و مشى “كريستوف” … و ودوها ل “هانز” و قالت له على كل حاجة لكنه مأنقذهاش و اتضح انه مش بيحبها !!

اقرأ أيضاً  Bolt ( هي صاحبتي )

بما انه الامير الثالث عشر لعرشه ف ماكنش ليه فرصة غير الزواج من عائلة ملكية و ان الفرصة الافضل كانت مع “ألسا” , لكن ماكنش فى فرصة معاها على عكس “أنا” كانت محتاجة للحب و كانت مستعدة للجواز ليه على الفور و بعد جوازهم هيصتنع حادث لـ “ألسا” , لكنها اختارت الهلاك و “أنا” راحت وراها ف ماكنش هيبقى غير قتل “ألسا” و اعادة الصيف و يبقى هو البطل اللى انقذ المملكة من الدمار و طفى النار و قفل عليها الباب بالمفتاح و خرج و قالهم انها ماتت بسبب “ألسا” بس قبل ما تموت قالوا عهود الزواج و قالهم كمان ان “ألسا” لازم تموت و راحو لــ “ألسا” بس هى كانت هربت و ازدات الرياح و الشتاء و لما شاف ده “كريستوف” قرر يروح لــ “أنا” اللى كانت تعبانة جدا , بس جالها “أولف” و شغل لها النار و بعد ما عرف حقيقية “هانز” افتكر “كريستوف” و قال لها و هى فهمت , و قررت انه لازم تروحله و ساعدها “أولف” بس الرياح كانت شديدة لدرجة انها طيرته بس “أنا” كان لازم تكمل و “كريستوف” كمان كان بيكمل عشان يوصل لها …

Frozen ( تريدين رجل جليد ♥ ) - راديو التكية

Frozen ( تريدين رجل جليد ♥ ) – راديو التكية

اما “ألسا” كانت بتحاول تهرب بس فجأة لقت “هانز” و قال انه مافيش مهرب ليها دلوقتى بس  طلبت منه يعتنى باختها و هو قال انها رجعت من الجبل ضعيفة و باردة و قالت انها جمدت قلبها و حاول انه ينقذها بس معرش و ماتت ..
وقتها “ألسا” ضعفت و وقفت العاصفة و مصدقتش انها عملت كدا فى اختها اللى كانت هى و “كريستوف” قربوا يوصلوا لبعض و شايفين بعض لكن “أنا” شافت “هانز” و هو معاه سيف و هيقتل “ألسا” و وقتها قررت انها بكل قوتها تحاول تدافع عن اختها لكنها اتجمدت .. و السيف لما جه عليها اتكسر و اول ما شافت “ألسا” منظرها دا أنهارت و “كريستوف” و “أولف” اتصدموا و زعلو جدا عليها بس فى اللحظة دى “أنا” داب التلج من عليها و رجعت تانى و اول ما شافتها “ألسا” خدتها فى حضنها و فرحت جدا هى و”كريستوف” و”أولف” اللى انبهروا باللى حصل و وقتها فهم “ألوف” جرعة الحب الحقيقة اللى كانت محتجاها “أنا”  و “ألسا” كمان فهمت توقف التلج ازاى و دا اللى حصل فعلاً و رجعت المملكة زى ما كانت اما بالنسبة للامير “هانز” ف قرروا يرجعوه لبلاده و يشوفوا رأى اخواته فى اللى عمله اما الدوق ف الملكة قررت ان المملكة مش هتتعامل معاه تجارياً ابدا و هيرجع لبلاده هو كمان ♥
اما “كريستوف” ف “أنا” جابت له الزحافة اللى وعدته بيها و كمان هيبقى جالب الثلوج للمملكة و طبعاً هما الاتنين حبو بعض ♥
اما الملكة ف الشعب رجع حبها تانى وبقت تستغل قوتها فى الالعاب للمملكة و مع اختها ♥
احنا دايماً بنبقى محتاجين للحب و الاهتمام و لما بنفقده و من اقرب الناس لينا ممكن ندور عليه مع اشخاص تانين و بكل تسرع من غير ما نعرف اللى بنعمله صح و لا لأ !
احنا بس محتاجينه …
لازم نحب بعض و نهتم ببعض و الا هنقع فى اختيارات سيئة بسبب اننا بندور علي الاهتمام مع اى شخص و خلاص , و من اكتر الناس اللى ممكن تديك حب و اهتمام بجد هما اخواتك ♥

اقرأ أيضاً  Toy Story 3 ( مرحلة الإستغناء )

انتوا بتبقو جزء من بعض و حياتكو كلها مع بعض بتفرحو و تزعلو و تلعبو مع بعض و تتخاصمو الصبح و ترجعو بليل تانى و لا كأن فى حاجة حصلت !
الاخ هو السند و الامان و حب من نوع خاص مش هتلاقىه و لا تحس بيه غير معاه لازم نحبهم و نقدرهم و نحترهمم لأنهم حب من نوع خاص ليك انت وبس ♥

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


Current track
Title
Artist

Background