Monsters University ( التوجيه الخاطئ )

كَتبهفي 23 فبراير 2018

فى حاجات كتير بنصر عليها لكن الموضوع لما يجي عند اهدافنا واحلامنا بيكون  الاصرار عليها مختلف و مميز .. و ممكن يتولد معانا حلمنا وهدفنا زى “مارد وشوشنى” من و هو صغير و هو نفسه يشتغل فى شركة المرعبين و يشتغل فى التخويف و كان شايف نفسه مخيف ومؤهل لكده جدا ♥

و بالرغم من الانتقادات اللى بيتعرض ليها قدر انه يحول حلمه حقيقه ويطلع اول سلمه توصله لهدفه ودخل جامعة الوحوش افضل جامعة فى دراسة التخويف ♥

 Monsters University ( التوجيه الخاطئ ) - راديو التكية

Monsters University ( التوجيه الخاطئ ) – راديو التكية

و قابل هناك “شلبى سلوفان” اللى كان مشهور , مش بسبب انجاز حققه او موقف مفيد عمله لكن ببساطه عشان اسم عيلته و باباه اللي كان مشهور جدا في مجال التخويف !!

ولانه ببساطه مشهور وموهوب بالفطرة في التخويف فــ مكانتش الدراسة من اولوياته ولا في اهتماماته , و “شلبى” كان زى الكُل مش مقتنع بأن “مارد” مُخيف و بقوا يتحدوا بعض و كل واحد يحاول يثبت انه الافضل لحد ما اتسببوا فى كسر انبوب الصُراخ بتاع “دين هارد سكرابل ” واحده من اساطير التخويف و حطمت كل الارقام القياسيه فى الصُراخ و اللى حضرت الموقف ده بصفتها الاستاذه اللي بتدرسلهم في الجامعه , وطردتهم من صف التخويف عشان “شلبى” منجحش فى اختبارها و “مارد” مش مُخيف اصلا !!

و بقوا فى صف صُنع انابيب الصُراخ لحد ما “مارد” افتكر ألعاب التخويف اللى كان سمع عنها اول ما جه الجامعه و قرر يشترك فيها و فاجأ الكُل بقدرته على القياده والتدريب وتنظيم الفريق اللى جمعه عشان يعرف يدخل المسابقه خصوصاً ان الفريق مش مُخيف اطلاقاً , و كمان كل الفرق اللى دخلو المسابقة فرق قوية جدا و كان فيهم فريق “الرول اوميجا رول” اشهر و افضل الطلاب فى الجامعة و اللى كان معاهم “شلبى” بس طردوه عشان خسر فى الامتحان !!

و “مارد” اتحدى “سكرابل ” و قالها انه لو فاز هيرجع لصف التخويف تانى و تبقى هى فصلت افضل مُرعب فى الجامعة و هى واقفت و قالت له كمان انه لو فاز فعلاً هتدخل كل فريقه صف التخويف , اما التحدى بتاعها انه لو خسر هيمشى من الجامعة و وافق “مارد” …

 Monsters University ( التوجيه الخاطئ ) - راديو التكية

Monsters University ( التوجيه الخاطئ ) – راديو التكية

بس هو كان فاضل له شخص واحد عشان يكمل الفريق و “شلبى” تتطوع  , و طبعاً “مارد” ماكنش عايزه لكن ماكنش قدامه حل تانى , و انضم “شلبى” للفريق و كان واضح لـــ “شلبى” و “مارد” انه هيحتاج يشتغل كتير على الفريق ده , ولان “مارد” هو الاكثر دراسة لطرق التخويف وافضل الحيل فــ هو كان رئيس الفريق لكن  “شلبى” ماكنش عايز الفريق ده اصلاً هو دخل عشان احتمال انهم لو نحجوا يقدر يرجع تاني صف التخويف , بس ماكنش ينفع يغيروا الفريق و الا هيبقى غش وفى تحدى من تحديات المسابقة واحد من الفريق ابهر “مارد” و كسبهم , و بالرغم من انهم قدروا يوصلوا للمستوى التانى لكن فريق “الرول اوميجا رول” كانوا مستمرين فى السخرية منهم لكن “مارد” كالعاده حاول يركز على هدفه و مع الوقت ابتدى يخلى كل واحد فى الفريق يكتشف مميزاته و مع التدريب و التمرين قدر يعمل منهم فريق ناجح فاز بكل المستوايات , و ده خلى “شلبى” يبتدى يحترم “مارد” و يقدر موهبته و ذكائه و خلاه يقرب من الفريق اكتر حتى انه كان بيحاول يخلي “مارد” يخرج الوحش اللى جواه اكتر ♥

اقرأ أيضاً  Shark Tale - اشاعة القرش

لحد ماصلوا للتحدى الاخير مع فريق “الرول اوميجا رول” و التحدى كان عباره عن غرفة تخويف مُزيفة و على كل فريق انه يدخل الاوضة و يخوف الطفل و بدون ما يلمسوا اى حاجة من الاوضة او الطفل وده كان اصعب تحدي , لكن الفرق ما بينهم فى النقاط ماكنش كبير اوى لحد ما جه الدور على “مارد” و فى اللحظه اللى كان جوا فى الاوضة افتكر كل الانتقادات اللى اتعرض لها فى حياته كلها و افتكر كلمة “شلبى” ليه و تشجيعه و ده خلاه يطلع الزمجرة الحقيقيه من جواه و حقق رقم عالى و كسب فريقه و ده طبعاً كان أنبهار لكل الناس و للفريق التانى و بعد الاحتفال “مارد” فضل فى الغرفة المُزيفة فرحان بناجحه و مبهور و جاله “شلبى” و قاله يمشوا بس “مارد”  حس بحاجة غريبة و ان الدمية المزيفة بتخاف من اقل حاجة او حركة عادية حتى , و اكتشف ان الاعدادات بتاعتها باظت و فهم ان “شلبى” هو اللى عمل كدا عشان كان خايف الفريق يخسر بسبب ان “مارد” مش مُخيف و ماكنش هيحقق رقم عالى …

و “مارد” مشى و سابله الكأس اللى فازوا بيه و راح عند قسم تصنيع الابواب اللى بتودى لعالم البشر و بيصنعوا منها فى الجامعة و دخل باب منهم عشان يتأكد هو مُرعب و لا لأ !!

 Monsters University ( التوجيه الخاطئ ) - راديو التكية

Monsters University ( التوجيه الخاطئ ) – راديو التكية

و حاول انه يخوف طفلة لكنها ماخفتش و طلع كمان ان ده مُخيم اطفال و محدش خاف منه و كدا اتأكد “مارد” انه مش مخيف …

اقرأ أيضاً  مقابلة مع الكاتب فكري فاروق - تغريد قلم - راديو وثائقي

و فى الوقت ده كان “شلبى” راح “سكرابل” و قال لها على اللى عمله و وصل خبر فى الجامعة ان فى حد دخل الباب و “شلبى” عرف انه “مارد” و بالرغم من انه ممنوع الدخول دخل “شلبى” و عرف يلاقى “مارد” و اعتذر له لكن “مارد” قاله انه عنده حق و انهم ماكنوش  خايفين منه وان حلمه كان انه يبقى مُخيف كان نفسه فيه اكتر من اى حاجة و كان فاكر انه لو اصر على ده هيثبت للناس انه مميز لكنه فشل , لكن “شلبى” كمان ماكنش ناجح بذات وسط عيلته اللي مليانه باشخاص مميزين ومبهرين و فشل فى امتحانات الجامعة وعشان يقدر ينجح كدب و غش !!

على الاقل مارد مش هو الفاشل الوحيد , و عشان ماكنوش اصحاب قبل كدا فـــ ماقلوش لبعض الكلام ده , وهما بيتكلموا اكتشفوا ان الشرطة كانوا موجودين فى المكان و “شلبى” و “مارد” هربوا و راحو للمُخيم عشان فيه الباب اللى يقدر يرجعوا منه تانى لكن “سكرابل” وقفته لحد ما يوصلو السلطة المُختصة و لما “مارد” و “شلبى” لقوا الباب مش شغال “مارد” افتكر انه قرأ في كتاب انه لو خوفهم و صرخوا ممكن الطاقة دى تشغل الباب و فهم “شلبى” و عمل خطة و نجحوا لكن الطاقة كانت عالية اوى لدرجة انها فجرت الباب بعد مادخلوا على طول و عرفوا يرجعوا الجامعة و فريقهم فرحوا انهم رجعوا و بخير لكن طبعاً بعد اللى حصل اطرد “مارد” و “شلبى” من الجامعة بس باقي الفرقة دخلوا صف التخويف و فرح لهم “مارد ” و “شلبى” لكن اكيد زعلوا عشان اللى حصل لهم و تقريباً بالنسبة لــ “مارد” ده كان يعنى انتهاء الحلم …

 Monsters University ( التوجيه الخاطئ ) - راديو التكية

Monsters University ( التوجيه الخاطئ ) – راديو التكية

لكن “شلبى” مقدرش يسيب “مارد” يمشى ,  بعد تحديه لـــ “سكرابل” و خبراته وذكاءه والحيل اللي كان بيعرفها اللي كان بيستفيد منها “شلبى” و اللى عمله مع الفريق اللى ماكنش فيه امل وطلع المميز اللي فــ كل واحد فيهم , “شلبى” شاف ان ده اكبر تخويف حصل فى الجامعة و “سكرابل” جات لهم و قالت لهم انهم فاجؤها و انه لازم تاخد بالها من المفاجأت اللى ممكن تيجى من امثالهم و اتمنت لهم التوفيق ♥

اقرأ أيضاً  ثلاث نصائح لقضاء إجازة نصف العام

و لقى “مارد” فى الجريدة ان شركة المرعبين المحدودة للتخويف كانت عايزه موظيفين بريد و اتوظف فيها مع “شلبى” و عملوا مع بعض افضل فريق في كل خطوه جوه الشركة مع بعض لحد ما وصلوا لطابق التخويف و اشتغل فيه “مارد” مع “شلبى” وبقى مدربه ♥

لو ركزنا هنلاقى انه لما بنصر على احلامنا و اهدافنا بجد مبنبصش لاي انتقادات او مشاكل وبردو بنكمل حتى لو وصلنا لتحديات اكبر , بنكمل بكل صبر و سعى و مُعافرة و امل و حب , حبنا لحلمنا و شغفنا هو اللى بيخلينا نكمل و ننسى اى مشاكل و انتقادات و طالما هدفك مافيهوش حاجة حرام او بتأذى حد يبقى انت صح و تستحق توصله .. ممكن تبقى فى لحظات اقوى منك و تخليك تفتكر ان خلاص الحلم انتهى و لازم تستسلم .. لكن ربنا يبعت لك فرصة تانية و تقدر تكمل و توصل وساعتها هتثبت للناس اللي انتقادوك ولكل اللي حواليك انك تقدر و انك مميز بشكلً ما ♥

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

Current track
Title
Artist

Background