الصداقة والحب والمغامرة

كَتبهفي 16 فبراير 2018

شركة المرعبين المحدودة

حياتك فيها ناس كتير و مُختلفين , لكن  مُغامراتك و مشاكلك و احلامك حتى شغلك ممكن يكون فيهم شخص واحد بس و مقسمين مع بعض كل ده و بتحققوا نجاح مع بعض ♥

تبقوا عاملين زى “مارد وشوشنى” و”شلبى سلوفان” , هما الاتنين اصدقاء جدا و صحيح “شلبي” افضل مخوفاتى فى شركة المرعبين المحدودة اللى بيشتغلوا فيها سوا لكن “مارد” دايما بيساعده و هو اللى بيدربه و كانوا بيحققوا ارقام قياسيه سوا فى التخويف و ده كان سبب كُره “أندل بوكس” ليهم و غيرته من “شلبى” …

لكن فى مرة “شلبى” لقى باب بعد أنتهاء وردية العمل و دخل عشان يشوف لو حد كان فى حد بيخوف جوا , لكن ملقاش حد و عرف أن الباب ده بتاع “أندل” اللى جابه بعد ما خلصوا شغل عشان يغش و يحقق ارقام أعلى من” شلبى” ..

الصداقة والحب والمغامرة - راديو التكية

الصداقة والحب والمغامرة – راديو التكية

بس لما دخل الاوضه عشان يشوف مين المخوفاتي اللي جواها وملقاش حد وخرج منها لقى قدامه طفله !
و الاطفال بالنسبه لهم شئ خطر جدا لكن هى من أول ما شافت “شلبى” و هى مش عايزه تسيبه حتى كل محاولاته عشان يرجعها فشلت , و راح لــ “مارد” عشان يساعده اللى خاف زيه اول ما عرف و ماكنش قدامهم حاجة غير انهم يخلوها معاهم لحد ما يلاقوا حل …

اقرأ أيضاً  Inside Out ( جُزر )

و الطفلة ماكنتش مؤذية و لا خطر زى ما كانوا فاهمين و هى مكانتش بتعمل حاجة غير الحاجات العادية اللى بيعملوها الاطفال  و ده اللى لاحظه “شلبى” , و عرف كمان ان “أندل” هو الوحش بتاعها او اللى بيطلع من بابها عشان يخوفها و هى بتخاف منه جدا و عشان ميقدروش يسيبوها لوحدها في البيت لتكشفهم كانوا مضطرين انهم ياخدوها معاهم الشركة و عملولها لبس تنكري على شكل وحش صغير بس لبنت و فهموهم هناك انها تقرب لــ “شلبى” و جايه تاخد دورة تخويف للاطفال و “مارد” ساب الطفلة مع “شلبى” لحد ما  يجيب مفتاح الباب …

الصداقة والحب والمغامرة - راديو التكية

الصداقة والحب والمغامرة – راديو التكية

و فى الوقت ده “شلبى” كان بدأ يقرب منها و يلعب معاها و كمان سماها “بو” و “مارد” طبعاً استغرب من اللى بيحصل ده بس المهم دلوقتى انها ترجع , ولكنهم سمعوا كلام “أندل” و المساعد بتاعه و واضح ان “أندل” كان عامل خطة للبنت دى و كانوا بيتكلموا عن ألة  بس “شلبى” و “مارد” معرفوش هى ايه , و ده خلى “شلبى” يقلق عليها لأنه حبها , لكن مارد جابله مفتاح باب غلط و ماكنش بتاعها و بعدين فجأة لقوها اختفت و “مارد” اتبسط لأنها كدا بعدت عنهم و المشكلة أتحلت لكن “شلبى” كان عايز يدور عليها و لقاها و بعدين راحو و لقوا الباب بتاعها بس “شلبى” قلق بعد ما عرف ان “أندل” هو اللى سابه و “مارد” دخل جوا اوضتها عشان يثبت له ان مافيش حد بس “أندل” خطفه على اساس انه “بو” و “شلبى” حاول يلحقهم و عرف يوصل لــ”مارد” و انقذه بس “شلبى” فكر فى حاجة تانية و هى انه يروح لأستاذ “أبو عنكبوت” مدير الشركة و يقوله على الموضوع كله , بس “أبو عنكبوت” كان عايز “شلبى” يورى المخوافتيه الجداد التخويف الصح عشان يتعلموه بما أنه أفضل مخوفاتى لكن لما عمل كدا قدام “بو” خافت منه و ده زعله جدا انه خوفها بس “أبو عنكبوت” شافها و عرف انها من البشر و “مارد” حاول يفهمه انها مش مؤذيه و قال له على كل حاجه و على “أندل” و بدل ما “أبو عنكبوت” يجيب بابها جاب باب تانى و نفى “شلبى” و “مارد” و طلع انه هو عارف كل حاجة و باللى بيعمله “أندل” و “أبو عنكبوت” عمل كدا عشان يجيب طاقه اكتر للشركة لأن الطاقة دلوقتى بقت قليلة …

اقرأ أيضاً  Monsters University ( التوجيه الخاطئ )

طبعاً “شلبى” حزين عشان “بو” و عشان خوفها و “مارد” حزين و عصبى عشان النفى و كدا كل حاجة ضاعت بس فى المكان اللى هما فيه قابلو”المنفى” واحد من اللى اتنفو قبل كدا و “المنفى” قال لهم ان فى قرية و “شلبى” قرر انه هيروحها عشان ينقذ “بو” و ده غاظ “مارد” عشان “شلبى” ماكنش همه كل دا و لا شغلهم و “شلبى” أعتذر لــ “مارد” عشان كل اللى حصل لكن “مارد” قرر هو كمان انه مش هيكون معاه المره دى بس “شلبى” كمل بردو و عرف فعلاً يوصلها و ياخدها منهم و “بو” كانت محتاجاه فعلاً عشان كانت خايفه و “أندل” فضل وراه …

الصداقة والحب والمغامرة - راديو التكية

الصداقة والحب والمغامرة – راديو التكية

لحد ما فجأة “مارد” جه عشان مقدرش يسيب “شلبى” لأن حُب الصداقة اللى بينهم اقوى من اى زعل ♥

و حاولوا انهم يهربوا و بعد عدة محاولات و بمساعدة “بو” عرفوا يتخلصوا من “أندل” , اما “أبو عنكبوت” بلغوا عنه قوات مكافحة الاطفال بعد ما سجلوا أعترافه و قبضوا عليه و كدا يقدر “شلبى” يرجعها , لكن ماكنش فرحان اوى عشان هيسبها و مش هيشوفها تانى خصوصاً ان بابها هيتحط فى مفرمة الابواب عشان ينتهى الموضوع ده و وصلها و ودعها و اتفرم الباب …

بس بعد كل اللى حصل ده الشركة كانت هتقفل لكن “شلبى” افتكر طاقة الضحك و اللى كان بيحصل لما “مارد” بيضحك “بو” , و كملت الشركة تانى و لكن بطاقة الضحك و قدرت تحقق نجاح كبير لكن “مارد” كان عامل مفاجأة لــ “شلبى” , جمعله باب “بو” و لزقه عشان يشوفها تانى ♥…
من ضمن ناس كتير حواليك بيكون فى شخص مميز فيهم , احلامك و مشاكلك و فرحك و مغامراتك و تقريباً حياتك كلها مقسومه معاه , ممكن تزعلو من بعض شوية لكن ترجعو تانى و تنسوا اللى حصل لأن الصداقة الحقيقية  اقوى من اى زعل و ممكن يضحى عشانك و يدخل فى مشاكلك بس عشان مينفعش يسيبك , بس المهم تعرف تختار الشخص ده لأن الصديق رفيق فأحسن أختياره ♥

لأن حُب الصداقة اللى بينهم اقوى من اى زعل ♥

 

اقرأ أيضاً  فندق ترانسلفانيا

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


Current track
Title
Artist

Background