Bolt ( هي صاحبتي )

كَتبهفي 11 فبراير 2018

الحب و الاخلاص و الوفاء ممكن تلاقيهم فين تانى غير مع البشر ؟؟
الحيوانات … بذات لو كان حيوان زى “بولت” كان هو و “بانى” اصحاب جداً و دايماً كان عايز ينقذها و يبعدها عن دكتور “كاليكو” الشرير اللى عايز يخطفها زى ما خطف باباها , و كل مرة كانوا بيقدروا يهربوا منه و … ينتهى التصوير !!

Bolt ( هي صاحبتي )

Bolt ( هي صاحبتي )

لأن “بانى” بتمثل القصة دى و معاها “بولت” اللى مصدق انه كلب خارق و ان القصة دى حقيقية برغم من انه عايش فى الاستديو بس طبعاً فى مكان مُخصص و بعيد شوية .. لكن فى مرة فى مشهد في التصوير “كاليكو” خطف “بانى” و اكيد “بولت” كان عايز ينقذها و هى كانت عايزة تفهمه انها كويسة لكن المخرج منعها عشان التصوير ميبوظش , بس “بولت” هرب من الاستديو عشان يلاقى “بانى” و ينقذها و بعدين افتكر انه لو لقى القط اللى بيشتغل مع “كاليكو” هيعرف مكانه و يلاقيها و قابل قطه اسمها “ميتنز” و طبعاً ماكنتش هى القطه اللى بيدور عليها بس هو كان فاكر كدا و هى اضطرت توافقه عشان يسيبها و لما شافت كلمة ( هوليوود ) فى الطوق اللى هو لابسه  ورت له خريطة و قالت له هيروح فين و كان قدامه طريق طويل لكن “بولت” مرضيش يسيبها غير لما يلاقوا “بانى” و “بولت” و “ميتنز” بدأوا الرحلة و اثناء الرحلة حد من معجبى “بولت” شافه وهو السنجاب “رينو” اللى كان فاكر بردو ان “ميتنز” من الاشرار و مسبهمش طبعاً غير لما راح معاهم .

Bolt ( هي صاحبتي )

Bolt ( هي صاحبتي )

و “ميتنز” حاولت تفهم “بولت” انه ممثل و قوته دى مش حقيقية و الاشرار و كل ده مش حقيقي !
لكن هوا مصدقهاش لحد ما جات عربية من عربيات متاجر الحيوانات اخدتهم .. و فى كل الوقت ده “بانى” كانت حزينة جداً على كلبها و بتحاول تدور عليه بس كان لازم تكمل التصوير عشان كدا جابوا كلب تانى شبه “بولت” عشان يكملوا الفيلم و هى اضطرت تكمل …

Bolt ( هي صاحبتي )

Bolt ( هي صاحبتي )

لكن فى نفس الوقت “راينو” انقذ “بولت” و ساعده عشان يخرجوا “ميتنز” و خرجت فعلاً و كملوا رحلتهم و فى الرحلة دى كانت “ميتنز” بتعلم “بولت” ازاى يبقى كلب عادى و كل الحاجات اللى بيعملوها الكلاب , و عملت مكان لكل واحد عشان يعيش فيه لكن “بولت” ماكنش ناسي “بانى” و عايز يروحلها و “ميتنز” قالت له تانى ان كل ده كدب حتى حب “بانى” بس هو مُقتنع ان “بانى” مختلفه و بتحبه بجد و راحلها لكن “راينو” قال لـــ “ميتنز” انه هيروح له و مينفعش يسيب صاحبه فى ورطة لوحده ابداً حتى لو هو مطلبش منه لازم يبقى جمبه … و وصل “بولت” للأستديو لكنه شاف “بانى” مع الكلب التانى وهي في التصوير و زعل جداً و مشى و صدق كلام “ميتنز” اللى جاتله هى كمان و قالت ان “بانى” بتحبه بجد و زعلانه عليه لكن فجأة “بولت” سمع صوت “بانى” و عرف ان فى حريق فى الاستديو و دخل جوا المكان اللى فيه الحريق عشان ينقذها , لكنه اتخنق هو كمان بس فى حد سمع صوته و طلعهم هما الأتنين و أسعافوهم و بقوا كويسين و “بولت” كمل مغامراته مع “بانى” فى الافلام و بقى عايش معاها فى البيت هو و “ميتنز” و “راينو” ….

Bolt ( هي صاحبتي )

Bolt ( هي صاحبتي )

الصداقة و الحب و الأخلاص ممكن تعيشهم مع حيوان كمان , الفكرة مش فى انسان او حيوان الفكرة فى اخلاص و تضحية بجد عشانك و قلب صافى ليك و حب من غير شروط … و الحب ممكن يجيلك فى اشكال كتير و تحس بيه من خلال مواقف ولحظات بتمر بيها في حياتك , الحب ملوش شكل ولا نوع واحد ♥

Bolt ( هي صاحبتي )

Bolt ( هي صاحبتي )

التعليقات

التعليقات

الوسوم

آراء القراء

اترك تعليقك

This site uses Akismet to reduce spam. Learn how your comment data is processed.


أكمل القراءة

المقال التالي

انتم والإذاعة واحد


المقال السابق

Wonder review 2017


Current track
TITLE
ARTIST

Background