Home ~ولكن لدي أمل ♥ ~

Home  ~ولكن لدي أمل ♥ ~

ايه اللى ممكن يخليك تاخد حاجة مش بتاعتك و مش من حقك ؟؟!!
وكمان تحارب الشخص اللى اخدت منه الحاجة دى و انت عارف انها بتاعته , زى كابتن “سِماك” فى فيلم Home …


اخد حاجة من عدوهم “الجورج” وسماها الهوساسة و بما ان “البوف” هما افضلاتِ الكائناتِ على الاطلاقتِ فى الفرار ; الكابتن “سماك” هرب بيهم على كوكب الارض و استولى عليه و ودا البشر فى مكان اسمه مدينة البشر السعيدة !
و “اوه” واحد من البوف كان عايز يحتفل ببيته الجديد و بعت رسالة لكل المجرة و من غير ما يقصد نسي ان الرسالة كمان هتتبعت  لــ “الجورج” ويعرف مكانهم …
و دى طبعا غلطة كبيرة وعشان كده هرب”اوه” و فى نفس الوقت كانت “تيب” واحدة من البشر والوحيده اللى فضلت من غير ما يعرفوا “البوف” , كانت بتحاول تدور على مامتها و اتقابلوا “اوه” و “تيب” و اضطرت “تيب” انها تاخده معاها عشان يوصلها لمكان مامتها و “اوه” راح معاها عشان يهرب و يروح لمكان مفيش فيه  “بوف” , وفي خلال محاولته في الهرب وانه يعطل الرسالة و متوصلش لــ “الجورج” فشل و “الجورج” عرف مكان اختباء “البوف” و طبعا “البوف” كانوا كالعاده بيحاولوا يهربوا ..
بس سفينة من سفن “الجورج” اتعطلت وهو في الطريق ليهم و”اوه” و “تيب” كانوا موجودين و “اوه” اخد من السفينة  شريحة “الجورج ” الخارقة و هى السر فى قوة اسلحة  “الجورج” و طبعا بيها يقدروا يصلحوا العربية بتاعت “تيب” و يكملوا فى طريقهم و وصلوا للمكان اللى المفروض يكون فيه مامت “تيب” لكن مكانوش لسه لاقوها بس “اوه” لما وصل كان خايف عشان  سفينة “الجورج” كانت قربت و كان فاضل اخر سفينة للــ “بوف” عشان ينقلوهم لمكان تانى و “اوه” كان عايز يهرب و عايز “تيب” تيجى معاه بس هى رفضت لكن “اوه” مقدرش و ركب السفينة الاخيرة …
و “الجورج” كان هيهجم عليهم بس “اوه” مستسلمش المرة دى و استخدم الشريحة الخارقة الى انقذتهم و عرفوا يهربوا و اخيراً “اوه” عرف و اعترف ان الكابتن  “سماك” ده مش قائد كويس و فهم البشر غلط و “البوف” قرروا ان “اوه” هوا اللى يبقى القائد بتاعهم .


و “اوه” رجع لــ “تيب” و اخيراً قدروا يوصلوا لمامتها لكن “اوه” عرف ايه اللى جوا الهوساسة او ايه هى الهوساسة اصلا !
و عشان كدا لما وصلت السفينة الام لـــ “الجورج”  “اوه” ادهالوه لان كان جواها عائلة “الجورج” الاجيال اللي الجاية كلها و “الجورج” كان اخر حد فى العائلة دى عشان كدا الحجر كان مهم جدا والا كان هيبقى وحيد و كان ممكن  ينقرض كمان و اساسا هوا مجاش الكوكب عشان الرسالة اللى كان هيسعده تلبيتها , هوا جه عشان الحجر
و بالنظام الجديد و القائد الجديد “للبوف” استعادوا البشر كوكبهم , “البوف” و البشر بقوا عايشين مع بعض بكل  تقبل ..
هناك دائماً فرصة للفرار .
ممكن نخترع حجة عشان منعملش حاجة او خوفنا يمنعنا من اننا نواجه و عدم مواجهة مشاكلك هو في الحقيقه مجرد تأجيل لمشكلة انت عارف انها ممكن تحصل لو مواجهتش .
ممكن تفضل تهرب كتير لكن هيجى وقت و هتواجه و انت اللى تختار تواجه بارادتك و تبعد خوفك او ..

مواجهة مشاكلك بعد ما كترت و بقت قوية اكيد هتبقى اصعب اكتر من لما كانت بسيطة و ممكن تحلها …
الهروب مش حل , ولو فضلت تهرب هيجي عليك الوقت اللي يتفرض عليك فيه المواجهه وساعتها هيبقى غصبن عنك تواجه مشاكل ومفيش اختيارات تانيه
ممكن تكون فرصة النجاح صغيرة و لكن لدي أمل ..

 

تعليقات

تعليقات

Powered by Facebook Comments

مقالات متنوعة

Leave a Comment

Your email address will not be published. Required fields are marked with *

Cancel reply

تعليقات

تعليقات

Powered by Facebook Comments