مولان Mulan ” زهرة البستان “

كَتبهفي 22 ديسمبر 2017

مولان Mulan القوة والشجاعة , تقدر تقول ان هما عندك انت بس وان مفيش حد يقدر يعمل اللي انت بتعمله ؟!!

طيب لو كان حد ضحى عشانك , بس التضحية دي في مجتمعك مش مقبولة بسبب العادات والتقاليد اللي بتحكمه , هتحس بايه وهتمعمل ايه ؟؟

مولان Mulan

التضحية دي حصلت من “مولان” لباباها لان جيش العدو كان بيحاول يهجم على البلاد والامبراطور اصدر امر تجنيد لفرد من كل عيلة في البلد

وابو “مولان” قرر انه هيروح بس هيا مكنتش عايزه كده لانه سبق وحارب قبل كده وأتصاب وبقى مريض وهيا كانت خايفه عليه بس مكنش في حل تاني لان قرار الامبراطور مفيش منه مفر …

مولان " زهرة البستان"

لكن هيا اتصرفت …

اتنكرت في زي عسكري وعملت انها راجل وراحت تنفذ امر التجنيد بدل باباها , وللاسف لما هو عرف اللي هيا عملته مكنش يقدر يعمل حاجه لانه لو اخد اي تصرف كانت هيا هتنكشف وساعتها كانوا هيقتلوها

وفي طريقها للجيش جالها “موشو” عشان يساعدها بذات انها كانت فرصة بالنسبه له انه يترقى بيها في وظيفته لو قدر انه يساعدها

اقرأ أيضاً  فندق ترانسلفينيا (الجزء التاني)

واكيد ايامها الاولى في الجيش مكنتش لطيفه او مريحه وهيا بتحاول تتعلم وكمان تمثل انها راجل , لكنها مع الوقت اتحسنت في التدريبات وده اللي لاحظه “شانج” القائد بتاعهم في تدريبات الجيش , ولما الجيش راح عشان يقابل جيش العدو بعد تزوير “موشو” لجواب فيه امر بالطلوع على الجبهه … اتفاجئوا من المنظر ولقوا كل حاجه متدمره والجيش اللي كان موجود كان كله ميت بما فيهم ابو “شانج” , وجيش العدو هجم عليهم بس “مولان” عرفت تنقذ “شانج” من الموت وتتخلص منهم …

مولان " زهرة البستان"

بس هيا كانت اتصابت ولما جالها الطبيب عرف انها بنت وقال لــ “شانج” وباقي الجيش كله عرف وساعتها كان لازم يتنفذ قرار الاعدام لــ “مولان” عشان خدعت الجيش بس “شانج” مرديش يقتلها وسابها ومشي عشان هيا انقذته , وراح البلد هو وباقي الجيش على اساس ان هما اللي حققوا الانتصار , لكن “مولان” وهيا فوق الجبل اكتشفت ان في جزء من جيش العدو لسه عايش والاسوء ان قائد جيش عدو كان من اللي عايشين …

ولما راحت عشان تحذرهم محدش صدقها لغاية لما هجوموا عليهم فعلا وخطفوا الامبراطور , لكن “مولان” للمره التانيه تنقذهم بمساعدة “شانج” و”موشو” وباقي فريقها في الجيش .

وعرف الامبراطور باللي هيا عملته وبعد ما كانت واحده فاشله واهلها مش فخورين بيها بسبب افعالها … بقت بطله وكل الصين قدرها واحترمها واهلها بقوا فخورين بيها

وطبعا “موشو” اترقى في شغله …

مولان " زهرة البستان"

ولد او بنت الاتنين يقدروا يعملوا حاجه ويخلوا اهلهم فاخورين بيهم , مينفعش تفرض على شخص حاجه لازم يعملها وانت مش عارف هو عايز او مستعد للحاجه دي او لا , ولو منجحش تحكم عليه بالفشل , كل واحد جواه حاجات كتير حلوه يقدر يعملها بس عشان يطلعها محتاج حب وتشجيع من اللي حواليه

كل حاجه بتحصل في وقتها مش لازم اللي مستنيه يحصل يحصل دلوقتي

ممكن لو حصلت بعدين تبقى احلى , الحاجه في وقتها احلى

ولازم كمان كل واحد يكون عارف نفسه وايه هو دوره في الحياة وميخليش زحمة احلامه وطموحاته تنسيه ايه دوره فعلا , لانه لو عرف نفسه هيعرف دوره وهيعرف ايه اللي يقدر يعمله ♥

مولان " زهرة البستان"

مولان " زهرة البستان"

التعليقات

التعليقات


آراء القراء

اترك تعليقك

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.


أكمل القراءة

Current track
Title
Artist

Background