فندق ترانسلفينيا (الجزء التاني)

كَتبهفي 2 ديسمبر 2017

هل حسيت قبل كده بحب غير مشروط لاي شخص ؟؟

ممكن تكون بتحب حد قريب ليك جدا بس مستني منه حاجه هتخليك تحبه اكتر , لكن لما بتحاول تغير فيه لغير طبيعيته وانت مش عارف هيا ايه اصلا ممكن تكون حاجه مش كويسه وممكن تبقى مرعبه كمان خصوصاً لو حد غيرك عنده نفس الفكره بس عكسك وعايزه يبقى حاجه تانيه …

زي دراكولا وميفيس , دراكولا كان عايز حفيده دينيس يبقى مصاص دماء زيهم عشان تستمر سلالتهم , اما ميفيس كانت عايزاه يبقى بشر زي جوني عشان شايفه ان ده الاحسن وان دي طبيعته ده غير انها اصلا مبهورة بحياة البشر , ودينيس كان لازم يبقى عنده انياب قبل مايتم خمس سنين والا مش هيبقى مصاص دماء وكل واحد فيهم بيحاول يخليه زي ماهو عايز , اما جوني فــ كان عايز يفضل في الفندق لانه حب المكان وبيبقى على طبيعيته وعشان كده كان بيساعد دراكولا في كل خططته عشان يفضلوا في الفندق

ودراكولا حاول بكل الطرق يخليه مصاص دماء ويعلمه واخده الاماكن اللي كان بيتعلم فيها وهو صغير بس اكتشف انها اتطورت واتغيرت عن زمان لكنه استمر في محاولاته اللي كان فيها خطورة على دينيس لكن ميفيس اكتشفت كل ده وقررت انهم هيفضلوا في الفندق لحد عيدميلاده وهيمشوا للمكان اللي اتربى فيه جوني ويبقى مع البشر لكن للاسف مطلعش بس دراكولا اللي عايزه يبقى مصاص دماء …

جد ميفيس ده كان شئ طبيعي بالنسبه له لانه مكنش يعرف ان ميفيس اتجوزت من بشر ومحاولة جد ميفيس كانت الاسوء عشان شوه اكتر حاجه بيحبها دينيس بس المره دي دراكولا هو اللي وقفله ومسمحش  باكتر من كده وبطل يحاول يغيره وفعلا دينيس بقى مصاص دماء بس دراكولا عرف انه بيحبه حتى من غير حتى مايبقى زيه وميفيس قررت انهم هيفضلوا في الفندق

احنا مش لازم نحب بعض حب مشروط , احنا ممكن ونقدر نحب بعض كده وطالما انت بتغير في حد للاحسن تبقى حاجه جميله لكن لو بتحاول تغيره لغير طبيعته وكمان بطرق خطيره عليه وبتشوه اكتر حاجه بيحبها يبقى لازم تقف لان التغير لو مش بيخليك احسن يبقى فشل ولو حب حد ليك مشروط بالتغير ده ميبقاش حب لان الحب تغير للافضل ♥

التعليقات

التعليقات


آراء القراء

اترك تعليقك

This site uses Akismet to reduce spam. Learn how your comment data is processed.


أكمل القراءة

Current track
TITLE
ARTIST

Background