قدر موهبتك و أعرفها

قدر موهبتك و أعرفها
الموهبة حاجة مش بنخترها ; بنتولد بيها , و ربنا خلق كل واحد بموهبة مُعينة عشان نكمل بعض و نتطور …
بس فى ناس ممكن يكونوا مش عاجبهم موهبتهم و لسة مش فاهمنها كويس عشان كدا بيحسوا انها قليلة ومش مفيدة و تعجبهم مواهب ناس

تانية و يحاولوا يبقوا زيهم لمجرد انهم مش عاجبهم موهبتهم اصلاً …
|زى تنة و رنة لما أتولدت و عرفت موهبتها و أبتدت تفهم دورها فى أرض الجنيات معجبتهاش و زهقت منها مع انه موهبتها دى كانت نادرة و مميزة جداً , بس هى مكانتش فاهمة ده عشان كدا كلمت كل الجنيات عشان يساعدوها و يعلموها شغلهم و تحاول تبقى زيهم لكن هى فشلت فيهم كلهم , و معرفتش قيمة موهبتها و لا دورها الحقيقي و المهم فى أرض الجنيات غير الا لما أتحطت فى موقف بانت فيه موهبتها فعلاً و أثبتت لنفسها قبل اى حد أنها فعلا عندها موهبة جميلة و مهمة و نادرة و أنها ليها دور مهم فى أرض الجنيات …
ساعات بيكون معانا حاجات حلوة و مهمة بس بنبقى مش عارفين نستخدمها أزاى و أمتى , عشان كدا بنفترض أنها مش مهمة مع أن فى الحقيقية هى مهمة جداً فى حياتنا …
عشان كدا قبل ما نظلم نفسنا و مواهبنا نحاول الاول نفهمها و نعرف ازاى نستغلها صح عشان دى نعمة من ربنا و لازم نحافظ عليها و نستغلها كويس , و مش عيب ابدا أنك يعجبك شغل حد او موهبتة بالعكس ممكن يلهمك بس فى نفس الوقت حب نفسك و موهبتك و اعرف أن هى اللي بتميزك و اللى بتخليك تقول أنا , مش حد تانى

تعليقات

تعليقات

Powered by Facebook Comments

مقالات متنوعة

تعليقات

تعليقات

Powered by Facebook Comments