الراجل المصري : مش هتجوز مصرية الأجنبية برقابتها

كَتبهفي 12 نوفمبر 2017

بعد ان انشأ  الشباب مجموعة من الصفحات علي الفيس بوك حملة لمقاطعة الزواج من مصريات والتي كان من ابرزها متشلش همها وخليها جنب امها.. اتجوز من اجنبية ومش هتدعي عليا استرجل وحسن السلالة..لا لزواج من بنات مصر؛ قررنا  عمل استطلاع رأي لشارع المصري حول هذه الحملات ومعرفة الدافع وراء انشاء الشباب لتلك الصفحات

وبإستطلاع الاراء قال بعض الشباب انا مش هتجوز مصرية  الاجنبية برقابتها ….هو انا ناقص مصايب دي استاذة في النكد  بدور علي اي حاجة وتعمل مشكله وفضوليه غير انها زنانة وعليها تكشيرة وقلبة وش تودي اللومان ودايما شكاكة في زوجها فهي تبدأ دائما بالبحث والتفتيش في الموبيل والفيس بوك والواتس واذا لم تجد شيئا تتهمه بأنة قام بحذف الرسائل وبتدخل في اللي ملهاش فيه ودايما ببص للي في ايد غيرها  وتستحق لقب اسوء زوجة  علي مستوي العالم وأن الاجنبيات افضل كثير وبهن مميزات تفتقدها البنت المصرية غير انهم مش مكلفين

فيما جاء رأي البعض الاخر معارضا لتلك الحملة قائلين  ان الست المصرية  مفيش زيها في الدنيا  واحسن ست في العالم لكونها خدومة وكونها في منتهي الجمال والاحترام ويشاد لها بمكافحتها مع زوجها  مما يجعلها اكثر جدية وليس نكدية  كما لا فرق بين الرجل والمرأة في النكد فمثلما يوجد مرأه نكدية يوجد رجل نكدي مضيفين ان كون المرأة نكدية او لا  يتوقف   اولا علي الظروف الاقتصادية والحالة  الاجتماعية  فهي تحب دائما ان تري ابنائها في احسن حال مما يدفعها الي كثرة المتطلبات وثانيا  علي الرجل  فالرجل مفتاح الست  وهو فقط من يستطيع جعلها مبتسمة دائما وضاحكة واضاف عمي محمد قائلا (( مصرية ايه اللي تجبيها للأجنبية هو في زي الست المصرية وحلاوتها .. تغسل وتنظف وتربي وتعلم وتشتغل وف ظهر جوزها علي طول و جدعة وبميت راجل … بزمتك بتاع بلاد بره تعرف تعمل كده ؛ هو الشباب بس بتوع اليومين دول مبيعجبهمش الا الشعر الاصفر والوش الملون .. والله انا متجوز بقالي 21 سنه و لو لفيت الدنيا كلها مش هلاقي زي مراتي عايشة وراضية وعمري لاشفت منها حاجة وحشه ولا زعلتني ))

وباستطلاع راي عدد من البنات قالوا يتجوز  من بره ليه ومالها بنت بلدة يعني  الاجنبية تفرق ايه عني دا حتي انا مضمونة عنها ولو هو  بيببص للشكل ودا الاكيد فهي مش بشكل خالص الحلاوة حلاوة الروح  واحنا فينا بردوا بنات حلوه كثير ويمكن احلي من اللبنانيين والاجانب ميت بره بس هي مش بالشكل في مقاييس واعتبارات ثانية لازم اي شاب يحطها في دماغة قبل ما يفكر يقارن بين المصرية والاجنبية ولو حسابها صح البنت المصرية اللي هتكسب ؛وبعدين الراجل المصري مش ببيملا عينه غير التراب لو معاه ملكة جمال هيبص بره بردوا…بتكون قايدالة صوابعها العشرة شمع وميعجبهوش العجب ويعيبب فيها

وعلي الرغم من  كل ذلك ورغم حاجة كل منهم للاخر ووجود من يناصر الرجل وايضا من يناصر المرأة  سيظل الموضع قابل لنقاش والجدال لعدم وجود اراء  .ثابته

 

التعليقات

التعليقات


أكمل القراءة

Current track
TITLE
ARTIST

Background