الحب و لا الشكل ؟

كَتبهفي 10 نوفمبر 2017

الشكل هو اول حاجة بتجذب الناس لبعض و مش دايماً الشكل بيعبر عن الشخصية الحقيقية , بس طالما انت بتحب الشخص ده ف مش هتفكر فى موضوع الشكل كتير …

بس لو أضطريت تبقى أسير لإنسان أتحول لوحش هتعمل ايه ؟
و هل ممكن تحب الوحش ده ؟

“بل” أتحطت فى الموقف ده و أضطريت تبقى أسيرة عند “الوحش” عشان تنقذ باباها و المفروض كمان تبقى كدا طول عمرها …
بس مفيش حاجة هونت عليها الموضوع ده ومعاملة “الوحش” ليها الا الشخصيات المسحورة و اللى اتحولوا مع “الوحش” …
و برغم من اللى حصل قدروا يفرحوها و يخففوا عنها التوتر و الغضب اللى جوا القصر و هى كمان حبتهم  , و “بل” كانت أملهم الأخير أنهم و “الوحش” يرجعوا بشر تانى و فى أسرع وقت ممكن …
و مع الوقت قربت “بل” من “الوحش” و فهمته  و هو كمان قرب منها  و “بل” حاولت تطلع الأنسان اللى جواه تانى
صحيح هى كانت امله الأخير أنه يرجع أنسان تانى بس حبها فعلاً و هى كمان حبته حتى و هو  كدا , و “بل” حاولت تدافع عنه و عن باباها  بكل قوتها لما جاستون و اهل القرية اتهموا باباها أنه مجنون و كانوا عايزين يقتلوا الوحش …
لكن بمساعدة “كسر” قدرت تخرج هى و باباها و تروح للقصر و نفس الوقت “زمان” و “أنوار” و “خزف” و باقى الشخصيات المسحورين كانوا كلهم  بيدافعوا عن “الوحش” و القصر , و فعلاً و بعد كل ده رجع “الوحش” أنسان تانى هو و باقى خدم القلعة بس المرة دى أنسان طيب  …
لو كان الشكل هو اللى بيجذبك لحد فـ الحب هو اللى هيخليك تفضل معاه و تفهمه و ممكن كمان تغير فيه للأحسن , و عشان كدا لازم نحب و نفهم بعض و نثق فى بعض عشان نقدر نعدى اى ازمة او مشكلة  و نسيب الاثر الحلو فى حياة بعض .

التعليقات

التعليقات

اقرأ أيضاً  الحلقة الخامسة من برنامج اوبسيشن

Current track
Title
Artist

Background