~ دورى ~

كَتبهفي 27 أكتوبر 2017

القدر …
هو اللى بيعمل كل حاجة أحنا ممكن نكون مش عارفينها  أو مش مخططين ليها , بيبقى مُفاجأ …
أى حاجة ممكن نكون نسيانها أو مش عارفينها تحصل فجأة , ليه ؟
لأنه القدر …
أما لو كانت حياتك كلها مُفاجأت و عمرك ما خططت لحاجة , ف انت تيجى جمب دورى ; كل حاجة فى حياتها حصلت صدفة … فجأة , ضياعها من عيلتها , نيمو و مارلين , أفتكرت عيلتها رجعت ليهم تانى
كل حاجة حصلت فجأة ; صدفة … قدر
ولأنها بتعانى من فقدان الذاكرة قصيرة الأمد فـ ماكنش فى أى فرصة للتخطيط فى حياتها هى بس عاشت كدا ; صحيح مش كل حاجة فى حياتها كانت حلوة بس اول ما قابلت ناس حلوين و حبتهم و حبوها اتمسكت بيهم , حتى بعد ما لقت باباها ومامتها …
بالرغم من أن كل حاجة فى حياتها حصلت تقريباً فجأة , بس هى عرفت تتعامل معاها و مخافتش من اللى جاى أو أيه الجديد اللى هيحصل هى عاشتها و بس و أتمسكت بالحاجة الحلوة اللى جات فى حياتها , عشان مفكرتش كتير و عرفت أن قدرها هو اللى هيحصل ليها ; بس ده مش معناه أنها متعملش حاجة و تستنى كل حاجة تحصل و تتحل من نفسها !
لا دى كانت كل ما بتحصل مشكلة كانت بتتصرف و تحاول تفكر و تلاقى حل , حتى لو كل اللى حواليها قالوا أن مافيش حل زى هانك , هى كانت بتحاول تفكر و تلاقى حل …
ده ليه ; عشان لازم تبقى واسع الأُفق ميبقاش تفكيرك ضيق !!
و يا سلام بقى لو لقيت ناس فى حياتك بيحبوك بجد و بيساعدوك زى نيمو و مارلين  , قدروا ظروفها و فهموها مكانوش زى كل الناس زهقوا منها أو فكروا يسيبوها لوحدها ..
هما حبوها و فضلوا جمبها و ساعدوها و بردو دخلوا فى حياة بعض صدفة

خلينا زى دورى يا جماعة و نبقى عارفين أن دايماً فى طريقة و فى حل و نمسك فى الحاجة الحلوة اللى فى حياتنا .

التعليقات

التعليقات

اقرأ أيضاً  مولان Mulan " زهرة البستان "

Current track
Title
Artist

Background