الاونلاين راديو – الفصل الأخير للمبتدئين

كَتبهفي 29 أغسطس 2017

الاونلاين راديو ببساطة

هنتكلم عن شويه حاجات كدة فيه سريعا 
دي بلاي ليست لشرح برنامج Cubase
https://goo.gl/GglErl اللي أذاعات كتيره واستديوهات ضخمة بتستخدمة .
أبدأ بفهم البرنامج كويس و بعدها افهم فيزياء الصوت وان شاء الله هتعرف تطلع شغل كويس جدا

ثاني حاجة :

انت كمذيع او مصمم صوتيات علشان تعرف ترتيب الموقع الخاص بالأذاعة تقدر من خلال موقع أليكسا alexa.com
و أدخل عليه و اكتب لينك الموقع جواه و هيظهرلك ترتيب الموقع علي العالم وترتيبه في البلد بتاعته وعدد المواقع اللي اتكلمت عنه .
وعن طريق دا  هيوضحلك بصوره قريبه الراديو اللي بيدخله متوسط زوار قد أيه .
لو حابب عاوز تعرف تفاصيل اكتر عن متوسطات الاستماع وعدد المستمعين في بعض الاوقات
افتح السورس كود بتاع الموقع واقف علي زرار تشغيل الموسيقي وكليك يمين واخر واحدة وهات الIP:PORT وهتلاقي مكتوب ليك عدد المستمعين اد ايه 

لما تيجي تشتري استضافه راديو هيظهرلك شوتكاست وايسكاست
الفرق بينهم مش كبير بس الاكثر احترافيه الايسكاست
واحذر من الاستضافات الراديو المجانيه زي ليسن تو ماي راديو وغيره لان ضررها وتعبها اكتر من نفعها وكمان احتراما للمستمع هات حاجة بريميم

الموقع

الدومين دا اسم الموقع اللي هو بيكون دوت com ,net , org,…..
طبعا اغلي دومين اللي بيكون .fm الطبيعي بيكون ثمنه 10 دولار او 3 $
ال. fm بيوصل ل150$ ودا بيبقي مع علية القوم من الراديوهات 
وطبعا الأفضل انك تبعد عن الدومينات العربي لانها حتي الان مش متوافقه مع محركات البحث واختار اسم دومين يكون سهل ولو هتعرب (فرانكو ) عربه صح علشان جوجل يعرف يقرأ الفرانكو دا
بعد ماتشتريه عندك حاجة مجانيه اسمها wordpress & Joomla
ليهم ثيمات كتيرة جدا وسهل اوووي تسطب واحد منهم عندك ويبقي موقعك معاك والموضوع كله مش بياخد اكثر من ساعه زمن .

الموبايل أبليكيشن :

بالنسبه للموبايل ابلكيشن لانه مهم جدا معندكش فكرة برمجيه ابعت لتيونن او البدائل الخاصة بتيونن وهم هيضيفوا الراديو بتاعك جوه الابلكيشن بتاعهم .
حابب تبقي شخص ادفانسد شويه خش علي الكوردوفا او ايونك سهله وبسيطه واعمل تطبيقاتك وارفع علي جوجل بلاي .

كورسات الاذاعية والاعداد والتقديم

اتكلمنا كتير وقولنا انت اونلاين مش اف ام يعني منهج الاف ام لاهل الاف ام والاونلاين راديو حتي الان ملوش منهج في الاعداد ولا التقديم وكل اللي موجود علي الساحه اجتهادات جيدة جدا مع بعض الخلفيات السابقة من الاف ام فدايما بنقول اشتغل علي اللي انت فيه اعمل اعداد زي مانت شايف زيع ورتب برنامجك زي ماتحب المهم توصل الهدف من البرنامج بتاعك ولو ضاق بيك الحال ومعندكش اي تصور وخلاص وقف بيك الحال اختار مذيع ليه تاريخ اذاعي كبير تاخد منه العلم مش اي حد وخلاص الشرح مفيش اسهل منه بس الللي يكون عنده تاريخ اذاعي مشرف دا اللي تاخد منه العلم الصح لاننا بنشوف هري كتير وانا كراجل صاحب راديو مبعترفش باي كورس اسمعك واشوف شغلك غير كدة معرفش حاجة
وعلشان في ناس في اماكن بعيده وفي اللي معندوش مقدره ماديه للكورسات دي كنت نزلت قبل كدة كورس اكاديمي محترم جدا جدا من الجامعه الاسلاميه قسم اعلام كورس من 8 حلقات شامل وكافي علي موقع الميكس كلاود .

الاونلاين راديو ممكن توصل به ثقافة مهمه من المزيكا بس من التسجيلات مش لازم كل حاجة برامج برامج الراديو مش برامج وبس في راديوهات عملاقه بيسمعها ناس كتير جدا جدا في بلدنا هنا محدش بيبث برنامج واحد فيها
اطلع بفكرة اذاعتك واشتغل عليها تنوع الافكار دا يخلي قوة للمجال ومن يدري لعلنا كلنا نفشل وانت تكون المبدع وانجح راديو فينا
واحتجت اي حاجة اكيد اسأل وكلمنا ومحدش فينا هيقصر معاك كلنا بنعرف نكتب بس مين فينا خط ايده حلو 
الراديو سهل وجميل وانا عارف ان ليه مشاكل كتير
ولحد دلوقتي مفيش راديو حقق التكامل المادي المعظم حاطط الكورسات في البيزنس مودبل كدخل اساسي للبروجكت بتاعه ودي حاجة انا رافضها تماما عندي فبنحاول دايما نشوف طرق تانيه لان معظم اللي ساعدوا في بناء التكية عندي وكانو واخدين كورسات بمبلغ وقدره وعارفين انها مفادتهمش في حاجة .

الاسطورة الاخيرة

اوعي حد يفهمك ان الاونلاين راديو بيسمعه مئات الالاف من الناس يوميا
اللي بيجيب اساسا 100 مستمع في الثانيه دا بيعمل فرح وبيبقي مع القله المندسه اللي شغالين نضيف وملهمش في الدوشه والكلام الفاضي
وانت كراجل مذيع قدر نقطه انك مش معروف فمتتخيلش مهما كانت الاذاعه دي كبيرة وبتتسمع انك هتجيلك ناس كتير تسمعك اسعي واتعب وهتتسمع واشتغل علشان الراديو دا
وانت كصاحب راديو طلع التقارير عليهم وعرفه انه سمعه 2 او 4 ويوم مايوصل لل60 اعمله حفله
لان دي التقديرات العالميه لنسب الاستماع المعروفه للاونلاين .
————————–————————–———————-
في الاول والاخير انا مشرحتش غير جزء للbeginner علشان يبدأو شغلهم واللي يقولك راديوهات كتير وهنأثر علي بعض
قوله اقفل الراديو بتاعك
المجال كبير ويستحق المغامرة انا ولا غيري احسن منك في حاجة
احنا اهل التكية بدأنا بدومين مجاني دلوقتي معانا 6 سيرفرات بث و 6دومينات منهم دومين .fm

في النهاية

متستهونش بنفسك أمن بفكرتك
الظروف صعبه بس انت بتفكيرك بتحل المشكله وعلي الله التوفيق
#الاونلاين_راديو

التعليقات

التعليقات


آراء القراء

اترك تعليقك

This site uses Akismet to reduce spam. Learn how your comment data is processed.


أكمل القراءة

Current track
TITLE
ARTIST

Background