العزل الصوتي

كَتبهفي 4 يوليو 2017

العزل
ببساطة كبيرة فيزياء العزل زي مادرسناها في الكلية
بتقول ان من خصائص الصوت انه موجات ديناميكيه بتحتاج وسط مادي لانتقالها وكلما زادت كثافه الوسط زادت قوة وسرعة الانتشار للموجات دي
المهم يعني ان الصوت لما بيتنقل من وسط مادي لوسط مادي اخر مختلف عنه في الكثافه بيحصله زي كسور في الموجات بتاعته وتضعف قوتها
علشان كدة لما بنعزل استديو ضخم جدا جدا بنبي 2 حائط وبينهم مسافه علشان الصوت اللي جاي من بره يدخل من الحائط الاول وينكسر في الفراغ اللي بين الحائظين وينكسر تاني في الحائط الثاني وكمان الحوائط دي الطوب نفسه بيبقي فيه فراغات بحيث انه يزيد من انكسارات الموجات الصوتيه واحيانا بيضيفوا مواد تزيد من قوة العزل
يعني معني كدة علشان تعزل محتاج انك تعمل زي فاصل صلب وفاصل هواء
في طرق كتيرة ممكن تعزل بيها زي وبما اننا مش هنعزل استديو ضخم هنعزل مجرد اوضه لبث راديو اونلاين
يبقي عندك الحائط الاول بتاع الاوضه وركب عليه الواح ابلكاش سميكه وبينها ألياف زي الاسفنج او الفلين او الورق المضغوط اللي فيه ثقوب كثيرةملقتش او مش معاك فلوووس ليه هات كراتين بيض واعزل بيها ودي طريقه انا استخدمتها زمان في راديو التكية قبل مانقفل الاستديو ونشتغل اون اير وتغطي الكراتين دي بموكيت او ورق حائط شكله كويس وهتديك عزل بنسبه 70%
بتكلفه قليله جدا
عندك فكرة تانيه
وهتديك نفس النتيجه نفذها المهم في الاخر انك تعزل واقرأ في العزل كتير علشان تقدر تحقق المعادله وتوصل لدرجة العزل المطلوبه متسمعش كلام حد اعرف مساحة غرفتك اد ايه ودرجة العزل المطلوبه ونفذ علشان متتكلفش كتير علي الفاضي
دي مجرد فكرة بسيطه عن العزل التقليدي وبعتذر عن اني مبنزلش باستمرار بس لظروف شغلي ومشروع التخرج
#العزل
#تصميم_الراديو

التعليقات

التعليقات


آراء القراء

اترك تعليقك

This site uses Akismet to reduce spam. Learn how your comment data is processed.


Current track
TITLE
ARTIST

Background