التصميم الصوتي وانواع المايكات المستخدمة

كَتبهفي 15 يونيو 2017

مساء الخير عليكم هنتكلم في اول حاجة في صناعة الراديو
#التصميم_الصوتي
خلينا متفقين ان اي حاجة هتشغل فيها دماغك او هتسعي لتعلمها هتوفر عليك فلووس وهتديك جودة وشغل افضل وهتحللك مشاكل كتيرة
فاحنا طالما هنصمم صوت هيشتغل علي راديو اونلاين في بلدنا الحبيبه دي
يبقي خلينا عارفين شويه حاجات
ان الstream الخاص بالبث الfm
جودته 32KB/s
وبما اننا اونلاين وهنبث ديجيتال اوديو يبقي هنبث بجودة اعلي من دي
بس نلاحظ حاجة ان سرعة الانترنت عندنا المتوسط بتاع الناس 11ميجا سرعة الانترنت المنزلي وفي ناس 512 مثلا
وفي ناس باقات
يبقي هنظبط جودة البث علي 64KB/s او 96KB/s
علشان اصحاب الانترنت الضعيف والباقات الموبايل يقدر يسمعونا بسهوله
تمام
يبقي هنحفظ التراكات اللي هنسجلها او نصممها علي 96
وكمان علشان نوفر مساحه في الهارد ديسك بتاعنا

قشطة كدة نبدأ

في برامج تصميم صوت كتيرة
وفي مايكات كتيرة جدا
وفي طرق عزل كبيرة ومكلفه
واحنا عاوزين نسجل ويطلع جودة كويسه

يبقي بصوا زي ما اتفقنا هنتعلم ونشغل دماغنا هنرتاح ومش هنتكلف كتير

نخش في الموضوع علي طول
بص ياسيدي
عندك اشهر 3 انواع من المايكات المستخدمة
1-المايك الكربوني
2-المايك الديناميكي
3-المايك الكوندنسر

المايك الكربوني دا زي مايك اللي موجود في السمارت فون بتاعنا ودا بيطلع جودة كويسه نسبيا وبشويه شغل عليه ممكن تطلع بيه جودة حلوة تليق ببث الراديو
وانا استخدمه في فتره من الفترات مع ناس كانت من بلاد تانيه وشغالين معانا وطلعنا به جودة كويسه

المايك الديناميكي
دا مايك رخيص نسبيا وعامل زي المايكات اللي في الجوامع والحفلات والمدارس وغيره

وحساسيته مش كبيرة علشان كدة بيستخدم في الحفلات والاماكن اللي فيها دوشه شويه
وبيطلع جودة صوت كويسه
وممكن تجيبه من راديو شاك

المايك الكوندنسر
ودا اللي بيكون في الاستديوهات
ودا درجة حساسيته عاليه جدا وبيديك جودة كويسه جدا لانه مخصص لتسجيل الاغاني والتراكات اللي بتحتاج جودة صوت عاليه جدا جدا وطبعا بيحتاج عزل كبير وفيه منه نوعين نوع usb
ونوع بيحتاج كارت صوت معاه واسعارة بيتبدأ من 1200ج وانت طالع

الثلاثه مناسبين لشغل الراديو
الراديو الارضي طبعا عندهم مشكله انهم بيثو انالوج فبيحتاجوه اكتر علشان يعالجو شغلهم وبيسجلو اعلانات كمان
طبعا احنا ملناش دعوة بيهم

هتعمل شغل بفلووس وتسجل فويس اوفر واعلانات هات المايك الاخير دا
لكن هتشتغل اونلاين بث ويويتوب وكدة لا عادي اتعلم تصميم صوت كويس وهتطلع جودة نضيفه جدا بالمايك الديناميكي او الكربوني

البرامج اللي هنصمم عليها
في برامج كتيرة
من اول البروتولز لحد الجولد الويف
كلهم كويسين
بس انا اكتر برنامج برتاح ليه وبيديني جودة كويسه وبيشتغل علي اجهزتنا العاديه وبعرف اعمل مزيكا عليه في نفس البروجكت
هو الcubase
وبيدعم بلاجين كتيرة
وسهل وكويس وبيستخدموه في اذاعات واستديوهات بره عالميه كتيرة
(حبايبنا بتوع الادوب ادوشن يمتنعون لانه بدائي مقارنه بالcubase)

التصميم الصوتي بيمر ب4مراحل
التسجيل و المونتاج والميكس والماستر
خلينا نتكلم عنهم باستفاضه في البوست الجاي علشان الكلام ميدخلش في بعضه
وطبعا اللي عنده سؤال في حاجة يقول

#تصميم_صوتي
#صناعة_راديو

التعليقات

التعليقات


آراء القراء

اترك تعليقك

This site uses Akismet to reduce spam. Learn how your comment data is processed.


أكمل القراءة

Current track
TITLE
ARTIST

Background